İtaliya–Azərbaycan əlaqələri çox uğurla inkişaf edir

Bakı:

17°C

77%

6m/s

Əlaqə

AZ RU EN

Ana səhifə / Arxiv / İtaliya–Azərbaycan əlaqələri çox uğurla inkişaf edir

İtaliya–Azərbaycan əlaqələri çox uğurla inkişaf edir

06.10.2025 [18:25]

Mansur Quliyev

YAP Ağdam rayon təşkilatının sədri

Azərbaycan Respublikasına İtaliya Prezidentinin rəsmi səfəri iki ölkə arasında münasibətlərin yeni inkişaf mərhələsinə qədəm qoydu. Bu səfər bir daha təsdiqlədi ki, Azərbaycan və İtaliya təkcə siyasi və iqtisadi sahədə deyil, həm də mədəni, enerji və humanitar istiqamətlərdə möhkəm, qarşılıqlı etimada əsaslanan strateji tərəfdaşlıq əlaqələrinə malikdir.

Azərbaycan–İtaliya münasibətlərinin əsası Ulu Öndər Heydər Əliyevin uzaqgörən xarici siyasət kursu ilə qoyulmuş, Prezident İlham Əliyevin rəhbərliyi dövründə isə bu əlaqələr keyfiyyətcə yeni səviyyəyə yüksəlmişdir. Dövlət başçılarının qarşılıqlı səfərləri, imzalanan sənədlər, birgə bəyanatlar və enerji əməkdaşlığı sahəsində reallaşan layihələr bu tərəfdaşlığın dərin və davamlı xarakter daşıdığını sübut edir.

İtaliya bu gün Azərbaycanın Avropadakı əsas ticarət tərəfdaşlarından biridir. “Cənub Qaz Dəhlizi” layihəsinin mühüm hissəsi olan TAP (Trans-Adriatik Qaz Kəməri) vasitəsilə Azərbaycan qazının Avropaya, o cümlədən İtaliyaya çatdırılması enerji təhlükəsizliyinin təmin olunmasında mühüm rol oynayır. Bu, həm İtaliyanın, həm də Avropanın enerji mənbələrinin şaxələndirilməsinə, etibarlı və uzunmüddətli əməkdaşlıq mühitinin formalaşmasına xidmət edir.

Azərbaycan və İtaliya münasibətlərini təkcə enerji sektoru ilə məhdudlaşdırmaq olmaz. Mədəniyyət, təhsil, turizm və sənaye sahələrində də əlaqələr ardıcıl olaraq genişlənir. İtaliya şirkətləri Qarabağ və Şərqi Zəngəzurda həyata keçirilən bərpa və yenidənqurma işlərində fəal iştirak edir. Bu, dost və tərəfdaş ölkənin Azərbaycanın suverenliyi və ərazi bütövlüyünə hörmətinin bariz ifadəsidir.

İki ölkə arasında siyasi dialoq da yüksək səviyyədədir. Beynəlxalq təşkilatlar çərçivəsində qarşılıqlı dəstək, sülh və sabitliyin qorunması, regionda əməkdaşlığın gücləndirilməsi istiqamətində birgə səylər göstərilir. Prezident İlham Əliyev və İtaliya Prezidenti arasında keçirilən görüşdə bu istiqamətdə atılacaq yeni addımların müzakirə olunması gələcək əməkdaşlığın perspektivlərini daha da genişləndirəcək.

Bu gün rahatlıqla demək olar ki, İtaliya–Azərbaycan münasibətləri artıq sadəcə dostluq münasibətləri deyil, əsl strateji tərəfdaşlıq nümunəsidir. Qarşılıqlı hörmət, qarşılıqlı maraqlar və uzunmüddətli sabit əməkdaşlıq prinsipləri üzərində qurulmuş bu münasibətlər həm regionda, həm də Avropada sabitlik və tərəqqiyə xidmət edir.

Azərbaycanın uğurlu xarici siyasətinin, Prezident İlham Əliyevin uzaqgörən liderliyinin və qarşı tərəfin səmimi marağının nəticəsidir ki, bu gün İtaliya ilə Azərbaycan arasında dostluq körpüləri daha da möhkəmlənmişdir.

Beləliklə, İtaliya Prezidentinin Azərbaycana səfəri, hər iki xalqın dostluğunun, qarşılıqlı inam və strateji əməkdaşlığın daha da dərinləşdiyini bir daha nümayiş etdirdi.

Paylaş:

Baxılıb: 354 dəfə