Heydər Əliyev
yeni azerbaycan logo

Ana səhifə / Arxiv / Ukrayna Prezidenti: Rusiya dronları və raketlərində ABŞ və Aİ istehsalı olan minlərlə detal var

Ukrayna Prezidenti: Rusiya dronları və raketlərində ABŞ və Aİ istehsalı olan minlərlə detal var

06.10.2025 [20:55]

Genişmiqyaslı müharibənin dördüncü ilində Rusiya Federasiyası silah istehsalı üçün xarici komponentlər almağa davam edir.

AZƏRTAC xəbər verir ki, bu barədə Ukrayna Prezidenti Volodimir Zelenski bildirib.

O qeyd edib ki, oktyabrın 5-nə keçən gecə Ukraynaya endirilən kütləvi birləşmiş zərbələr zamanı Rusiya tərkibində 102 785 xarici istehsal komponenti olan 549 silahdan istifadə edib. Bunlara ABŞ, Çin, Tayvan, Böyük Britaniya, Almaniya, İsveçrə, Yaponiya, Koreya Respublikası və Niderland şirkətlərinin detalları daxildir.

Zelenski qeyd edib ki, atılan hücum dronlarında təxminən 100 688, “İskander” raketlərində 1500-ə yaxın, “Kinjal”da 192, “Kalibr”də təqribən 405 xarici komponent var.

“ABŞ-da şirkətlər X-101 raketləri və “Shahed/Geran” dronları üçün konvertorlar, bu PUA-lar və “Kinjal” raketləri üçün matrislər, pilotsuz uçuş aparatları və raketlərin analoqdan rəqəmə çevirici hissələri, eləcə də raketlər üçün mikroelektronika istehsal edir”, -deyə Ukrayna lideri bildirib. O əlavə edib ki, hər bir “Şahed” dronunda olan mikroelektronika vahidinin azı 50-si Çin və Tayvanda istehsal olunur.

Ukrayna Prezidentinin sözlərinə görə, PUA-lar üçün mikrokontrollerlər İsveçrədə, uçuşu idarə edən mikrokompüterlər Böyük Britaniyada, qanadlı raketlər üçün optoizolyatorlar Yaponiyada, keçid birləşdiriciləri isə Almaniyada istehsal olunur. Bundan əlavə, Rusiya Niderland istehsalı prosessorlardan və Koreya Respublikasında buraxılan “servo” ötürücülərdən və podşipniklərdən istifadə edir.

Zelenski Ukraynanın Rusiyaya və onun müharibəsinə yardım edənlərə qarşı yeni sanksiyalar hazırladığını açıqlayıb və tədarük zəncirlərini məhdudlaşdırmaq üçün tərəfdaşlarına təkliflər çatdırıb.

O qeyd edib: “Bu həftə G7 sanksiyalar koordinatorlarının görüşü keçiriləcək və biz sanksiyaların effektivliyini təmin etmək üçün sistemli həll gözləyirik”.

Paylaş:
Baxılıb: 58 dəfə

Xəbər lenti

Hamısına bax

YAP xəbərləri

İqtisadiyyat

Xəbər lenti

Minorla major arasında

05 Oktyabr 14:40

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31