Azərbaycan-Özbəkistan əlaqələri: İqtisadiyyatda QARDAŞLIQ

Bakı:

31 °C

48 %

11 m/s

Əlaqə

AZ RU EN

Ana səhifə / Arxiv / Azərbaycan-Özbəkistan əlaqələri: İqtisadiyyatda QARDAŞLIQ

Azərbaycan-Özbəkistan əlaqələri: İqtisadiyyatda QARDAŞLIQ

03.07.2025 [17:20]

Toğrul Zeynalov,

YAP Ağdam rayon təşkilatının əməkdaşı

Azərbaycan ilə Özbəkistan arasında formalaşan dostluq və qardaşlıq münasibətləri təkcə ortaq tarix və mədəni köklərə deyil, eyni zamanda dərin etimada və qarşılıqlı faydaya əsaslanan iqtisadi əməkdaşlığa söykənir. Bu əməkdaşlıq çərçivəsində kənd təsərrüfatı sahəsində həyata keçirilən birgə layihələr xüsusi əhəmiyyət kəsb edir. Xüsusilə də pambıqçılıq və ipəkçilik kimi ənənəvi, lakin eyni zamanda müasir texnologiyaların tətbiqi ilə yenidən canlanan sahələrdə Özbək dostlarımızın göstərdiyi məsləhət yardımları və sərmayə dəstəyi ölkəmiz üçün böyük əhəmiyyət daşıyır.

Özbəkistan kənd təsərrüfatında zəngin təcrübəyə malik ölkə kimi tanınır. Onların illər ərzində formalaşmış bilik və bacarıqları, o cümlədən aqrotexniki yenilikləri Azərbaycanın kənd təsərrüfatı sektorunda tətbiq olunmaqla məhsuldarlığın artırılmasına, resurslardan daha səmərəli istifadəyə və fermerlərin iqtisadi vəziyyətinin yaxşılaşmasına ciddi töhfələr verir. Pambıqçılıq sahəsində həyata keçirilən layihələr çərçivəsində tətbiq olunan qabaqcıl suvarma sistemləri, keyfiyyətli toxum materiallarının gətirilməsi və əkin sahələrinin düzgün idarə olunması nəticəsində məhsul istehsalı əvvəlki illərlə müqayisədə xeyli artmışdır. Bu isə kənd təsərrüfatı ilə məşğul olan yerli əhali üçün yeni iş yerlərinin açılması və rifah səviyyəsinin yüksəlməsi deməkdir.

Bununla yanaşı, ipəkçilik sahəsində də Özbəkistanın təcrübəsi bizim üçün xüsusi əhəmiyyət daşıyır. İpəkqurdu bəslənməsi, baramanın emalı və ipək istehsalı üzrə həyata keçirilən texniki və məsləhət dəstəyi sayəsində bu sahədə dirçəliş müşahidə olunur. Özbək mütəxəssislərin iştirakı ilə keçirilən təlimlər, seminarlar və texnoloji əməkdaşlıq ipəkçiliyin Azərbaycanda həm iqtisadi, həm də mədəni baxımdan yenidən aktuallaşmasına səbəb olmuşdur. Bu, eyni zamanda Azərbaycanın kənd yerlərində yaşayan əhali üçün alternativ gəlir mənbələrinin formalaşmasına şərait yaradır.

Bütün bu təşəbbüslər bir daha sübut edir ki, Azərbaycan və Özbəkistan arasında iqtisadi əməkdaşlıq təkcə qarşılıqlı maraqlara deyil, xalqlarımızın rifahına və strateji tərəfdaşlığa xidmət edir.Buna görədə ölkələr arasında tez-tez görüşlər baş tutur və fikir mübadilələri aparılır.Məhz bu görüşlərdən biri də İyulun 2-də Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyevin iştirakı ilə Özbəkistanın Azərbaycandakı səfirliyinin Bakıdakı yeni binasının açılışında baş tutub.Prezident İlham Əliyev çıxış edərək bildirdi:

Biz özbək dostlarımıza məsləhət yardımlarına və kənd təsərrüfatı, ilk növbədə, pambıqçılıq və ipəkçiliklə bağlı layihələrə sərmayə qoyduqlarına görə minnətdarıq. Özbəkistan şirkətlərinin bu sahədə təcrübəsi bizim üçün çox qiymətlidir. Bu gün, həmçinin konkret olaraq həm Azərbaycanda, həm də Özbəkistanda kənd təsərrüfatı müəssisələrinin, o cümlədən kənd təsərrüfatı məhsullarının emalı müəssisələrinin inkişafı üzrə iri layihələri xüsusi müzakirə etdik.

Qarabağın bərpasına göstərdiyi köməyə görə xüsusi minnətdarlığımızı ifadə edirik. Özbəkistan bu sahədə birinci ölkə, öz təşəbbüsü ilə Qarabağ bölgəsinin bərpasına dərhal yardım edən Prezident Mirziyoyev isə dünyada ilk lider olub.

Paylaş:

Baxılıb: 510 dəfə