Qazaxda Ümummilli Lider Heydər Əliyevin anadan olmasının 102-ci ildönümünə həsr olunmuş tədbir keçirilib

Bakı:

25 °C

55 %

0 m/s

AZ RU EN

Ana səhifə / Arxiv / Qazaxda Ümummilli Lider Heydər Əliyevin anadan olmasının 102-ci ildönümünə həsr olunmuş tədbir keçirilib

Qazaxda Ümummilli Lider Heydər Əliyevin anadan olmasının 102-ci ildönümünə həsr olunmuş tədbir keçirilib

07.05.2025 [19:59]

Mayın 7-də Yeni Azərbaycan Partiyası (YAP) Qazax rayon təşkilatı və Qazax rayon İcra Hakimiyyətinin birgə təşkilatçılığı ilə “Konstitusiya və Suverenlik İli” çərçivəsində Ümummilli Lider Heydər Əliyevin anadan olmasının 102-ci ildönümünə həsr olunmuş tədbir keçirilib.

Tədbir Ümummilli Lider Heydər Əliyevin büstünün ziyarəti ilə başlayıb.

Tədbirdə ilk öncə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və ölkəmizin suverenliyi və ərazi bütövlüyü uğrunda canlarını qurban vermiş şəhidlərin əziz xatirəsi ehtiramla yad edilib.

YAP Qazax rayon təşkilatının sədri Anar Nəbiyev tədbiri giriş sözü ilə açaraq Prezident İlham Əliyevin 28 dekabr 2024-cü il tarixli Sərəncamı ilə 2025-ci ilin “Konstitusiya və Suverenlik İli” elan edildiyini və 10 may tarixində Ümummilli Lider Heydər Əliyevin anadan olmasının 102-ci ildönümünün qeyd olunacağını diqqətə çatdırıb. O, çıxışında Ulu Öndər Heydər Əliyevin şərəfli və mənalı ömür yolundan, misilsiz tarixi xidmətlərindən, Ümummilli Liderin siyasi kursunu layiqincə davam etdirən Prezident İlham Əliyevin rəhbərliyi ilə ölkəmizin əldə etdiyi nailiyyətlərdən, qazandığı uğurlardan ətraflı danışıb.

Qazax Rayon İcra Hakimiyyətinin başçısı Rəcəb Babaşov çıxışında 2025-ci il “Konstitusiya və Suverenlik İli” çərçivəsində Ümummilli Lider Heydər Əliyevin anadan olmasının 102-ci ildönümü münasibətilə rayonda silsilə tədbirlərin keçirildiyini qeyd edib. İcra Hakimiyyətinin başçısı 10 may tarixində Ümummilli Lider Heydər Əliyevin anadan olmasının 102-ci ildönümünün böyük təntənə ilə qeyd olunacağını vurğulayaraq, Ümummilli Lider Heydər Əliyevin hər zaman xalqa ləyaqətlə, sədaqətlə xidmət etdiyini, bütün həyatını canından artıq sevdiyi müdrik xalqına bağışladığını, müstəqillik tariximizin memarı və qurucusu kimi yaddaşlara əbədi həkk olunduğunu və bu gün Ulu Öndərin siyasi kursunun Möhtərəm Prezident, Müzəffər Ali Baş Komandan İlham Əliyev tərəfindən uğurla davam etdirildiyini bildirib.

Tədbirdə şəhid atası Qədir Əfəndiyev, partiya veteranı Polad Ağakişiyev, ərazi partiya təşkilatının sədr müavini Afət Eyyubova, partiya fəallarından Günel Sanıyeva, Turxan Əliyev çıxış ediblər.

Qazax rayon Araz Əmilov adına Daş Salahlı kənd 1 nömrəli və Şahin Cəbiyev adına Daş Salahlı kənd 2 nömrəli tam orta məktəbin şagirdləri Ümummilli Lider Heydər Əliyevə həsr olunmuş şeirlər səsləndiriblər.

Ən fəal partiya üzvləri YAP Qazax Rayon Təşkilatının Fəxri Fərmanı ilə təltif olunub, partiya sıralarına yeni qəbul olunmuş üzvlərə partiya üzvlük vəsiqələri təqdim edilib.

Paylaş:

Baxılıb: 494 dəfə