Azərbaycan-Almaniya əlaqələri yeni müstəvidə davam etdirilir

Bakı:

23 °C

56 %

3 m/s

Əlaqə

AZ RU EN

Ana səhifə / Arxiv / Azərbaycan-Almaniya əlaqələri yeni müstəvidə davam etdirilir

Azərbaycan-Almaniya əlaqələri yeni müstəvidə davam etdirilir

04.04.2025 [23:14]

Bəhruz Ramazanov,

YAP Qusar rayon təşkilatının məsləhətçisi

Azərbaycan və Almaniya Federativ Respublikası arasında müntəzəm olaraq siyasi dialoq aparılır. Almaniya Federativ Respublikasının Prezidenti Frank-Valter Ştaynmayerin aprelin 2-də səfəri çərçivəsində aparılan danışıqlarda Almaniya-Azərbaycan əlaqələrinin gələcək inkişafı müzakirə edilmişdir. Prezident İlham Əliyev Almaniya Federativ Respublikasının Prezidenti Frank-Valter Ştaynmayerin ölkəmizə səfəri zamanı mətbuata bəyanatında ölkələrimiz arasında səmimi dialoq mühitinin olmasına diqqət çəkdi. Ölkə başçısı bəyanatında əminliyini bildirdi ki, bu səfər iki ölkə arasındakı əlaqələrə yeni müsbət təkan verəcəkdir.

İqtisadi sahədə nəticələr yüksələn xəttlə artır. Belə ki, bu ilin yanvar-fevral aylarında ölkələrimizin ticarət dövriyyəsi təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur.

Prezident İlham Əliyev mətbuata bəyanatında qeyd etdi ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Ölkəmiz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdıracaq ki, bunun da bir hissəsi Avropaya ixrac ediləcəkdir.

Almaniya Federativ Respublikasının Prezidenti Frank-Valter Ştaynmayerin səfəri ilə əlaqədar mətbuata bəyanatında Prezident İlham Əliyev keçən il ölkəmizdə keçirilmiş COP29 beynəlxalq iqlim konfransına da diqqət çəkdi. Ölkə başçısı bildirdi ki, bu istiqamət üzrə də ölkəmizin Almaniya ilə çox fəal əməkdaşlığı olub. COP29-da 197 ölkəni təmsil edən 77 mindən çox iştirakçı qeydiyyatdan keçmişdir və bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur. Bu da təbii olaraq təəssüf hissi doğurur. Çünki xüsusilə indiki şəraitdə - Azərbaycanla Ermənistan arasında normallaşma prosesinin uğurla getdiyi bir zamanda Ermənistan tərəfinin bu beynəlxalq konfransı boykot etməsi başadüşülən deyildi. Bu gün bu məsələ də müzakirə olundu və Azərbaycanın mövqeyi Almaniya tərəfinə çatdırılmışdır.

Mətbuata bəyanatında Prezident İlham Əliyev Azərbaycan həqiqətlərini xüsusilə qeyd edərək bildirdi ki, Azərbaycan 30 il ərzində erməni işğalından əziyyət çəkmişdir. Azərbaycan xalqı etnik təmizləməyə məruz qalmışdır. Bir milyon azərbaycanlı erməni aqressiyasına görə evsiz-eşiksiz qalmış və torpaqlarımızın təxminən 20 faizi işğal altına düşmüşdür. Ölkə başçısı təəssüflə bildirdi ki, beynəlxalq təşkilatlar bu məsələ ilə bağlı ciddi addım atmamışlar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Məhz bu tarixi Zəfərimiz sülh danışıqlarına yol açmışdır. Prezident İlham Əliyev onu da bildirdi ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır.

Paylaş:

Baxılıb: 520 dəfə