“Ziyanlı” Cəmil Həsənlinin pulgirliyi...

Bakı:

24 °C

64 %

4 m/s

Əlaqə

AZ RU EN

Ana səhifə / Xəbər lenti / “Ziyanlı” Cəmil Həsənlinin pulgirliyi...

“Ziyanlı” Cəmil Həsənlinin pulgirliyi...

06.04.2024 [09:50]

Antimilli şuranın “fəxri qoca”sı Kərimlinin “fransız gəliri”nə şərik olmaq istəyir

Qondarma “Milil şura” üzvlərinin özlərinin belə unutduqları marionet “fəxri qoca”sı Cəmil Həsənli deyəsən yenidən “zühur” etməyə qərar verib. Uzun müddətdir ki, hətta Əli Kərimlinin nəzarətində olan sosial şəbəkə kanallarının belə yaddan çıxartdığı Cəmil Həsənli deyəsən yenidən özünü yada salmaq üçün olmayan “ziyasını” ortaya qoyur. “Siyasi karyerası” xainlik və dönüklük üzərində qurulmuş və puldan ötrü hər kəslə ittifaqa girmək kimi xüsusi bacarığı olan C. Həsənlinin xarakterinə uyğun danışdığı heç kimə sirr deyil - boş fikirlər, yalan və pula hədəflənmiş arzular, qısqanclıqdan doğan iddialar onun əsas həyat manerası sayılır. Paşinyan haqqında danışanda “təmiz adam” deyən, Azərbaycanın uğurlarını pisləmək üçün fürsət axtaran, min bir qapıda dolanan Həsənli bu dəfə də özünü ifşa edib - danışanda “demokratiya” sözü dilindən düşməyən “fəxri qoca” Fransaya yarınmaq üçün əsl simasını ortaya qoyub. O, sosial şəbəkələrdə Azərbaycanın təşəbbüsü ilə Bakıda yaradılan və əsas məqsədi kolonializmin, yəni müstəmləkəçiliyin yeni təzahürlərinə qarşı mübarizə aparmaq, müstəmləkəçilikdən əziyyət çəkən xalqları dəstəkləmək, o xalqların hüquqi əsaslar üzərində azadlığa qovuşmasını təmin etmək olan Bakı Təşəbbüs Qrupunu hədəfə alıb.

Hər fəsildə bir “gülə” qonmağın peşəkarı olan C.Həsənli deyəsən pulun iyini, qoxusunu duyub ki, özünü Ə.Kərimlinin gözünə şirin göstərməyə çalışır - Fransanın “maraqlarını” qoruduğunu önə çıxarır. Azərbaycanın neokolonializmə qarşı mübarizəsi və ədalətli yanaşması Cəmil Həsənlini niyə narahat edir? Bəs, illərdir “demokratiya balladası” oxuyan C.Həsənli özünün ideallarına niyə xəyanət edir? Axı, Fransa müstəmləkəçiliyi altında əzilən xalqların da tələb etdiyi məhz demokratiya, azadlıq və müstəqillikdir. C.Həsənlinin buna qarşı çıxması elə özü kimi paradoks deyilmi?

Səbəb bəllidir - son zamanlarda, Ə.Kərimlinin Fransadakı əlaltısı Qənimət Zahidin xətti ilə pul qazandığını eşidən C.Həsənli bu yolla özünün payını istəyir. Yoxsa ki, Fransa müstəmləkəçiliyindən, Ermənistanın işğalçı siyasətindən bir dəfə də bəhs etməyən C.Həsənlinin birdən-birə bu boyda özünüifşası nəyə əsaslana bilər?

Görünən budur ki, adını “akademik” qoymuş Cəmil Həsənli növbəti dəfə “ziyalı” yox, “ziyanlı” olduğunu ortaya qoyur. Redikül düşərgənin qondarma şurasının qısır təfəkkürü puldan, maddi gəlirdən başqa heç nəyi əxz edə bilmir. Qondarma təşkilatın marionet “fəxri qoca”sının belə bir paylaşım etməsi və bununla da Əli Kərimlinin gözündə ucalmağa, gələn pulun ucundan-qırağından dadınmağa çalışması artıq onun şəxsçi mənada hansı deqradasiyalara uğradığını bir daha təsdiqləyir...

Mənsur...

Paylaş:

Baxılıb: 635 dəfə