Güclü və qüdrətli Azərbaycan

Bakı:

25 °C

50 %

0 m/s

Əlaqə

AZ RU EN

Ana səhifə / Xəbər lenti / Güclü və qüdrətli Azərbaycan

Güclü və qüdrətli Azərbaycan

18.11.2023 [10:40]

Günel Abbas

“Tarix göstərdi ki, Yeni Azərbaycan Partiyası adı təkcə addan ibarət olmadı. Bu partiya həqiqətən də yeni bir Azərbaycan yaratdı. Yeni Azərbaycan işğallarla, faciələrlə, məğlubiyyətlərlə, xaosla yox, güclü, qürurlu, qüdrətli bir Azərbaycan olaraq tarixə düşdü.”

Bunu yeniazerbaycan.com-a açıqlamasında deputat Vüqar İskəndərov deyib.

“Ulu Öndər Heydər Əliyevin Yeni Azərbaycan Partiyası haqqında dediyi “dünənin, bu günün və sabahın partiyası” devizi özünü tam olaraq doğruldub. 90-cı illərdə baş verən hadisələr həqiqətən göstərirdi ki, xalqın bir xilas yoluna, xilaskara ehtiyacı var idi. Yeni Azərbaycan Partiyası Azərbaycan tarixinin son dərəcə ağır və keşməkeşli günlərində, ölkənin ciddi sınaqlara məruz qaldığı bir dövrdə Azərbaycan ziyalılarının təşəbbüsü və fəal iştirakı ilə yaranıb. 90-cı illərin əvvəlində ölkə rəhbərliyində hakimiyyət uğrunda səriştəsiz “liderlərin” apardığı mübarizə fonunda Azərbaycanın taleyini düşünən insanlar ölkəni böhrandan çıxara biləcək yeni bir partiya yaratmaq təşəbbüsü ilə çıxış etdilər və bu məqsədlə xalqın sınanmış lideri və peşəkar siyasətçi Heydər Əliyevin şəxsiyyəti ətrafında birləşdilər. Azərbaycanın ən yeni tarixinə “91-lər”in müraciəti kimi daxil olmuş sənəd əslində, bütün xalqın arzu və istəklərinin ifadəsi idi. Xalqın istəyini nəzərə alaraq Ulu Öndərə müraciət edən məşhur “91-lər”in cəsarətli addımları nəticəsində dağıdıcı proseslərin qarşısı alındı. Azərbaycanın görkəmli ziyalıları, tanınmış insanları və nüfuzlu şəxsiyyətlərinin imzaladıqları müraciətdə Heydər Əliyevdən yeni yaradılacaq siyasi partiyaya rəhbərlik etmək xahiş olunurdu. Beləliklə Yeni Azərbaycan Partiyasının təsis konfransı 21 noyabr 1992-ci ildə Naxçıvanda ölkəmizin bütün regionlarını təmsil edən və 550 nəfərdən ibarət olan təşəbbüs qrupunun iştirakı ilə keçirildi. Ulu Öndər Heydər Əliyev rəhbərlik etdiyi Yeni Azərbaycan Partiyası qısa müddət ərzində cəmiyyətin aparıcı qüvvəsinə çevrildi. Qarşıya qoyulan məqsədlərə nail olundu. Partiya ötən illər ərzində ölkəmizdə siyasi sabitliyin və davamlı inkişafın təminatçısı kimi çıxış edib. Qısa müddət ərzində ümumxalq partiyasına çevrilmiş Yeni Azərbaycan Partiyası yarandıqdan bu günə qədər çox böyük, şərəfli və uğurlu yol keçib. Partiyanın 2005-ci il 26 mart tarixində keçirilmiş III qurultayında Partiyanın yeni sədri – Azərbaycan Respublikasının Prezidenti cənab İlham Əliyevin seçilməsi, Ulu Öndər Heydər Əliyevin siyasi irsinə sadiqlik partiyanı daha da güclü bir mövqeyə gətirdi. YAP-da aparılan dəyişikliklər, iqtidar partiyasının həyata keçirdiyi islahatlar daim həm partiyanı, həm də ölkəmizi inkişafa doğru aparıb. Bunun biz bu gün də şahidiyik. 5 mart 2021-ci il tarixində keçirilmiş YAP-ın VII qurultayında qəbul edilən qərar əsasında Yeni Azərbaycan Partiyasının yeni Nizamnaməsi, 40 nəfər tərkibdə İdarə Heyəti, 13 nəfərdən ibarət Təftiş Komissiyası və yeni qurum olaraq YAP-ın Veteranlar Şurasının 35 nəfərlik tərkibi təsdiq edilib. Hazırda YAP-ın 720 830 üzvü var. Bu gün biz fəxr edirik ki, belə bir partiyanın üzvüyük. Çünki Yeni Azərbaycan Partiyası xalqımızın həyatında təkcə partiya rolunu oynamadı, həm də xalqımızın müsbət yöndə müqəddəratını həll etdi. Güclü və qüdrətli Azərbaycan yaratdı”.

Paylaş:

Baxılıb: 696 dəfə