Heydər Əliyev
yeni azerbaycan logo

Ana səhifə / Xəbər lenti / Təbii təhlükələrin təsirlərini azaltmaq üçün cavab mexanizmlərinin yaradılması təklif edilir

Təbii təhlükələrin təsirlərini azaltmaq üçün cavab mexanizmlərinin yaradılması təklif edilir

15.11.2023 [11:25]

"Ətraf mühit məsələləri, xüsusilə su, hava, iqlim kimi amillər sərhəd tanımır. Dünyanı sınağa çəkən iqlim dəyişmələri çağırışlarına hazırlıqlı olmaq üçün ölkələrimizin hidrometeorologiya xidmətləri innovativ texnologiyalara malik olmaqla bir-birini tamamlamalı, qarşılıqlı əməkdaşlıq çərçivəsində fəaliyyət göstərməlidir".

AZƏRTAC xəbər verir ki, bunu ekologiya və təbii sərvətlər naziri Muxtar Babayev Bakıda keçirilən Türk Dünyası II Meteorologiya Forumunda deyib.

"Şimal yarımkürəsinin müxtəlif regionlarında olduğu kimi ölkələrimiz də xüsusilə ekstremal hava və iqlim hadisələri daxil olmaqla təbii təhlükələrə məruz qalır.

Həmin təsirləri mümkün dərəcədə azaltmaq üçün Ümumdünya Meteorologiya Təşkilatının “Hamı üçün erkən xəbərdarlıq” təşəbbüsünə uyğun olaraq effektiv əlaqələndirilmiş hazırlıq və cavab mexanizmlərinin yaradılması vacibdir. Ölkəmiz bu fəaliyyətdə regional əməkdaşlığa öz töhfəsini verməyə və ölkəmizdə tətbiq olunmuş müasir müşahidə sistemlərindən əldə olunan məlumatların bir platformada paylaşılmasına hazırdır", - deyə M.Babayev qeyd edib.

Paylaş:
Baxılıb: 540 dəfə

Xəbər lenti

Hamısına bax

YAP xəbərləri

Sosial

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31