Heydər Əliyev
yeni azerbaycan logo

Ana səhifə / Xəbər lenti / Deputat: Avropa Parlamentinin anti-Azərbaycan qətnaməsi kağız parçasıdır

Deputat: Avropa Parlamentinin anti-Azərbaycan qətnaməsi kağız parçasıdır

06.10.2023 [13:53]

G. Abbas

Avropa Parlamentinin ölkəmizə qarşı qəbul etdiyi bədnam qətnamə kağız parçasıdır.

Bu fikirləri Milli Məclisin hüquq siyasəti və dövlət quruculuğu komitəsinin üzvü Vüqar İskəndərov “Yeni Azərbaycan”a açıqlamasında bildirib.

Onun sözlərinə görə, Avropa Parlamenti indiyədək Azərbaycana qarşı qərəzli və selektiv mövqe nümayiş etdirib: “Vətən müharibəsi zamanı da ölkəmizə qarşı qərəzli qətnamələr qəbul edilib. Bu parlamentin adı uzun illərdir rüşvət və korrupsiya məsələlərində məşhurdur. Avropa Parlamenti deputatlarının bir çoxu lobbiçilik işlərinin maliyyəsi ilə qidalanırlar. Məsələn, Avropa İttifaqında əsas lobbi şirkəti Fransaya aiddir, şirkətin səhmlərinin 90 faizi erməni milyarderlərin əlindədir. Deputatların rüşvət yolu ilə ələ alınması, korrupsiya cinayətləri məhz ermənilər üzərindən həyata keçirilir.

Bütün bu faktlar Avropa Parlamentinin əsl simasını göstərir. Rüşvət və korrupsiyaya bulaşmış bu parlamentin qəbul etdiyi qətnamələr kağız parçasından artıq deyil və buna əhəmiyyət vermirik. Sadəcə, belə absurd qətnamələr Avropa Parlamentinin beynəlxalq hüquqa və prinsiplərinə ən azı hörmətsizliyinin bariz nümunəsidir. Avropa Parlamenti unudur ki, belə mənasız işlər bizi getdiyimiz yoldan döndərə bilməz, əksinə, gücümüzə daha da güc qatır. Onların qərəzləri özlərinə qalır”.

Paylaş:
Baxılıb: 489 dəfə

Xəbər lenti

Hamısına bax

YAP xəbərləri

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31