İsmayıllıda məzunlarla görüş keçirilib

Bakı:

27 °C

61 %

8 m/s

Əlaqə

AZ RU EN

Ana səhifə / Xəbər lenti / İsmayıllıda məzunlarla görüş keçirilib

İsmayıllıda məzunlarla görüş keçirilib

17.08.2022 [14:08]

İsmayıllı rayonunda 2021-2022-ci il tədris ilində yüksək nəticə göstərmiş məzunlarla görüş keçirilib. Rayon mərkəzindəki Heydər Əliyev adına parkda təşkil olunan görüşdə İcra Hakimiyyəti başçısı Nahid Bağırov, YAP İsmayıllı rayon təşkilatının sədri Zaur Muradov, Dağlıq Şirvan Regional Təhsil İdarəsinin müdrinin səlahiyyətlərini müvəqqəti icra edən Rövşən Əliyev iştirak ediblər. Tədbiri giriş sözü ilə açan Dağlıq Şirvan Regional Təhsil İdarəsinin müdrinin səlahiyyətlərini müvəqqəti icra edən Rövşən Əliyev İsmayıllı təhsilinin uğurlarından danışıb. O, qeyd edib ki, yüksək pedaqoji ənənələri olan İsmayıllı təhsili həmişə yükək nəticələri ilə fərqlənib və bu ənənə bu il də davam edir.

Tədbirdə çıxış edən rayon İcra Hakimiyyətinin başçısı Nahid Bağırov ali təhsil müəssisələrinə qəbul imtahanlarında yüksək nəticə göstərərək tələbə adını qazanan məzunları, onların valideynlərini və təhsil ictimaiyyətini təbrik edib. Ölkəmizdə təhsilə göstərilən diqqət və qayğıdan danışan N.Babayev uğurlu gələcəyəmiz üçün bilikli, hərtərəfli inkişaf edən gənc nəslin yetişməsində ümumtəhsil məktəblərinin önəmli rol oynadığını bildirib. Vurğulanıb ki, son illər kadrların hazırlanması, tədrisin yüksək, müasir tələblər səviyyəsində təşkili üçün ümumtəhsil məktəblərinin maddi-texniki bazasının möhkəmləndirilməsi istiqamətində xeyli iş görülüb və görülməkdədir.

Daha sonra çıxış edən YAP İsmayıllı rayon təşkilatının sədri Zaur Muradov ulu öndər Heydər Əliyevin milli təhsil quruculuğu sahəsində başladığı islahatların bu gün Azərbaycan Respublikasının Prezidenti, cənab İlham Əliyev tərəfindən uğurla davam etdirildiyini, təhsilin davamlı inkişafına yönəlmiş əsaslı tədbirlərin həyata keçirildiyini diqqətə çatdırıb. O,İsmayıllının gələcəyi olan gəncləri tələbə olmaqları münasibətilə təbrik edərək, onlara harada olmalarından asılı olmayaraq vətənə, xalqa, dövlətə və dövlətçiliyə sadiq olmağa çağırıb.

Çıxış edən müəllimlər və valideynlər respublikamızda eləcə də İsmayıllıda təhsilin inkişafına göstərdiyi diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər. Görüşdə orta məktəbi qızıl medalla qurtaran məzunlara medal və atestatlar, ali təhsil müəssisələrinə qəbul imtahanlarında yüksək nəticə göstərənlərə həmçinin bir sıra müxtəlif layihə və müsabiqələrdə qalib olmuş məzunlara Fəxri fərman və mükafatlar təqdim olunub. Sonda xatirə şəkli çəkilib.

Paylaş:

Baxılıb: 647 dəfə