İmişli rayon Ağsaqqallar Şurası İdarə heyətinin iclasında təşkilati məsələyə baxılıb

Bakı:

25 °C

70 %

15 m/s

Əlaqə

AZ RU EN

Ana səhifə / Xəbər lenti / İmişli rayon Ağsaqqallar Şurası İdarə heyətinin iclasında təşkilati məsələyə baxılıb

İmişli rayon Ağsaqqallar Şurası İdarə heyətinin iclasında təşkilati məsələyə baxılıb

01.05.2025 [11:51]

İmişli rayon Ağsaqqallar Şurası İdarə heyətinin iclasında təşkilati məsələyə baxılıb.

Tədbirdə İmişli rayon Ağsaqqallar Şurasının sədri Saleh Səmədov, sədrin birinci müavini Vahid Tağıyev, müavin Məmi Atakişiyev, aparat rəhbəri Murad Seyidov, İdarə heyətinin üzvləri və üzvü olmağa namizədlər iştirak edirdi.

İlk öncə torpaqlarımızın işğaldan azad olunması uğrunda canlarından keçən şəhidlərimizin və bu ərəfədə dünyasını dəyişən ağsaqqalların xatirəsi bir dəqiqəlik sükutla yad edildi.

Tədbirdə çıxış edən İmişli Rayon Ağsaqqallar Şurasının sədri Saleh Səmədov iştirakçıları Azərbaycan Ağsaqqallar Şurasının sədri, millət vəkili, professor Eldar Quliyevin adından salamladı

Saleh müəllim Ağsaqqallar şurasının fəaliyyəti haqında bəzi məlumatları diqqətə çatdırdı və qarşıda duran vəzifələrdən danışdı. Bildirdi ki, rayon ağsaqqallar şurası üzvlərinin sayı günü- gündən artır, eyni zamanda şuranın fəaliyyət istiqamətləri də sürətlə genişlənir. Hazırda müəyyən təlabat yaranmışdır ki, rayonun aktiv, nüfuzlu ziyalıları hesabına idarə heyətinin tərkibinə yenidən baxaq. Digər tərəfdən cəmiyyətimizdə qadınların xüsusi yeri, xidmətlərini nəzərə alaraq ehtiyac vardır ki, nüfuzlu qadınlar da idarə heyətində təmsil olunsunlar. Bu amillər şübhəsiz ki, şuranın fəaliyyətinə yeni bir nəfəs gətirməklə milli- mənəvi dəyrlərimizi həmişə üstün tutmaq, dövlətimizə, dövlətçiliyə və möhtərəm prezidentimizə sədaqətlə xidmət etmək kimi qarşıya qoyduğumuz missiyamızın həyata keçirilməsinin güclənməsinə, bu prosesə daha geniş tərkibdə əhalinin cəlb olunmasına və səmərəliliyin artmasına kömək edəcəkdir.

Saleh müəllim İmişli Rayon Ağsaqqallar Şurası idarə heyəti üzvlüyünə daxıl olmaları üçün müraciət olunan hörmətli xanımlara dəvəti qəbul etdiklərinə görə minnətdarlığını bildirdi. Ümumilikdə idarə heyətinə aşağıdakı namizədlərin nəzərdə tutulduğunu bildirdi:

1. Nigar Fərəcova,

2. Ofelya Abdullayeva,

3. Aygün Həsənova,

4. Səxavət Tağıyev,

5. Badil Əsgərov.

Sonra İmişli Rayon Ağsaqqallar Şurası sədrinin birinci müavini Vahid Tağıyev İdarə heyətinin yeni üzvü olan hər bir şəxs haqqında faktlarla, ətraflı məlumat verdi. Bildirdi ki, onların hər birinin fəaliyyəti ilə yaxından tanışam. Uzun illər təhsilin idarəetmə strukturunda rəhbər vəzifədə çalışdığım dövrdə adları çəkilən şəxslərdən üç nəfərin - Nigar Fərəcova, Ofelya Abdullayeva və Səxavət Tağıyev - hər biri 20- 30 il müddətində məktəb direktoru işləyib. Onlar öz peşəkarlığı, təşkilatçılığı, şəxsi, insani keyfiyyətləri, habelə liderlik bacarığı ilə həmişə nümunə olublar. Aygün Həsənova isə şəhid anasıdır, hər birimizin dərin hörməti var. Digər namizəd Badil Əsgərovu da hər birimiz vətənpərvər, əzmkar bir şəxs kimi yaxından tanıyırıq. Vahid müəllim bu şəxslərin idarə heyəti üzvü olmasını ağsaqqallar şurasının fəaliyyətində yeni bir canlanma yaradacağına əminliyini bildirdi və onları təbrik edərək uğurlar arzuladı.

İmişli rayon Ağsaqqallar Şurası sədrinin müavini Məmi Atakişiyev də ürək sözlərini, səmimi fikirlərini tədbir iştirakçılarına çatdırdı.

Sonra hər biri ayrı- ayrılıqda olmaqla, açıq səsvermə yolu ilə Nigar Fərəcova, Ofelya Abdullayeva, Aygün Həsənova, Səxavət Tağıyev, Badil Əsgərov İmişli Rayon Ağsaqqallar Şurası idarə heyətinin üzvü seçildilər.

Yeni seçilən idarə heyəti üzvləri də çıxış edərək onlara göstərilən etimada görə minnətdarlıqlarını bildirdi, üzərlərinə düşən vəzifələri şərəf və məsuliyyətlə yerinə yetirəcəklərini ifadə etdilər.

Sonda Saleh müəllim yeni seçilən şəxslərin hər birini bir daha təbrik etdi və uğurlar arzuladı. Saleh müəllim bildirdi ki, bu gün həm də, Əliqulular kənd ərazi təşkilatının sədri, rayon ağsaqqallar şurası idarə heyətinin üzvü Səxaxət Tağıyevin ad günüdür, onu hamımızın adından təbrik edir, sağlam, uzun ömür arzulayırıq.

Tədbirin sonunda xatirə fotoları çəkildi.

Paylaş:

Baxılıb: 604 dəfə