İordaniyada Ulu Öndər Heydər Əliyevin xatirəsi anılıb

Bakı:

26 °C

52 %

2 m/s

Əlaqə

AZ RU EN

Ana səhifə / Xəbər lenti / İordaniyada Ulu Öndər Heydər Əliyevin xatirəsi anılıb

İordaniyada Ulu Öndər Heydər Əliyevin xatirəsi anılıb

10.12.2024 [22:28]

Dekabr 10-da müasir Azərbaycanın memarı və banisi, xalqımızın Ümummilli Lideri Heydər Əliyevin anım günü ilə əlaqədar Azərbaycanın İordaniya Haşimilər Krallığındakı səfirliyi tərəfindən paytaxt Əmmanın Yeni Bədr rayonunda Ulu Öndərin adını daşıyan küçədəki İordaniya-Azərbaycan dostluq rəmzini bildirən dairədə anım mərasimi keçirilib.

Səfiliyin mətbuat xidmətindən AZƏRTAC-a bildiriblər ki, tədbirdə çıxış edən səfir Eldar Səlimov Ümummilli Lider Heydər Əliyevin həyatı və fəaliyyəti barədə məlumat verib.

O, Ulu Öndərin həm SSRİ, həm də Azərbaycan tarixindəki roluna diqqət çəkərək, Prezident İlham Əliyevin rəhbərliyi ilə dünyakı böyük nüfuzunu bu gün daha da artıran Azərbaycanın məhz Ümummilli Lider Heydər Əliyevin mirası olduğunu qeyd edib.

E.Səlimov Azərbaycan ilə İordaniya arasında dostluq və əməkdaşlıq əlaqələrinin təməlinin 1994-cü il dekabrın 13-də İslam Əməkdaşlıq Təşkilatının Kasablanka Zirvə görüşü çərçivəsində Ulu Öndər Heydər Əliyev və İordaniya Haşimilər Krallığının mərhum kralı Əl-Hüseyn İbn Talal arasında keçirilmiş tarixi görüş zamanı qoyulduğunu, sonrakı illərdə bu əlaqələrin Azərbaycan Prezidenti İlham Əliyev ilə İordaniya Kralı II Abdullah bin Əl-Hüseynin birbaşa dəstəyi sayəsində daha da möhkəmləndiyini bildirib.

Əmman Böyükşəhər Bələdiyyəsinin Ətraf mühit idarəsinin rəisi Məhəmməd Əbu Huvaileh və Yeni Bədr rayonunun direktoru Dr.İsmayıl Əl-Ədvan iki dost ölkə arasında əlaqələrin inkişafından məmnunluqlarını qeyd edərək səfirliyimiz tərəfindən ağacəkmə aksiyasının keçirilməsinin paytaxt bələdiyyəsinin rəhbərliyi tərəfindən yüksək qiymətləndirildiyini deyib.

Sonra Ümummilli Liderin əziz xatirəsinə dərin hörmət əlaməti olaraq dairə və onun ətrafında şam ağacları əkilib.

Qeyd edilib ki, dekabrın 8-9-da İordaniyanın gündəlik xəbərlər dərc edilən və geniş oxucu kütləsinə malik mətbu orqanlarında “Azərbaycan səfirliyi Ümummilli Lider Heydər Əliyevin vəfatının ildönümünü yad edir” başlıqlı məqalə buraxılıb.

Məqalədə dahi şəxsiyyət Heydər Əliyevin həyat və fəaliyyəti haqqında məlumat verilib, dünya səviyyəli siyasətçinin Azərbaycanın çətin günlərində apardığı uğurlu xarici və daxili siyasətdən, beynəlxalq arenada ölkəmizin haqq səsinin dünya ictimaiyyətinə çatdırılması istiqamətindəki yorulmaz fəaliyyətindən bəhs edilib.

Yazıda, həmçinin Prezident İlham Əliyevin Ulu Öndərin yolunu inamla davam etdirdiyi, öz ölkəsinin şöhrətini, nüfuzunu qoruyub saxladığı, habelə siyasi müdrikliyi ilə Azərbaycanı parlaq gələcəyə apardığı vurğulanıb.

Məlumatın sonunda Yeni Bədr ərazisində yerləşən küçəyə Heydər Əliyevin adının verilməsinin iki ölkə arasında dostluğun dərinliyini əks etdirdiyi diqqətə çatdırılır.

Paylaş:

Baxılıb: 581 dəfə