Yeni Azərbaycan Partiyası yüksək nüfuza və xalq dəstəyinə malikdir

Bakı:

29 °C

42 %

4 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası yüksək nüfuza və xalq dəstəyinə malikdir

Yeni Azərbaycan Partiyası yüksək nüfuza və xalq dəstəyinə malikdir

20.10.2010 [09:30]

YAP-ın 76 saylı Lənkəran-Astara seçki dairəsindən millət vəkilliyinə namizədi Ziyafət Əsgərov Astara seçiciləri ilə görüşüb
Noyabrın 7-də keçiriləcək parlament seçkiləri ilə bağlı təbliğat-təşviqat kampaniyası davam edir. Kampaniya çərçivəsində millət vəkilliyinə namizədlər və onların vəkillərinin seçicilərlə görüşləri keçirilir. Belə görüşlərdən biri də Astarada baş tutub. Belə ki, oktyabrın 18-də Yeni Azərbaycan Partiyasının 76 saylı Lənkəran-Astara seçki dairəsindən millət vəkilliyinə namizədi Əsgərov Ziyafət Abbas oğlunun Astara rayon seçiciləri ilə görüşü keçrilib.
Görüşü giriş sözü ilə açan YAP Astara rayon təşkilatının sədri Natiq İbadov partiyanın namizədi Ziyafət Əsgərovun həyatı və fəaliyyəti barədə iştirakçılara məlumat verib. Qeyd edilib ki, Ziyafət Əsgərov 1963-cü ildə Naxçıvan MR-nın Naxçıvan (indiki Babək) rayonunun Aşağı Uzunoba kəndində anadan olub. Hərbi xidmətdən sonra Bakı Dövlət Universitetinin hüquq fakultəsinə daxil olub və oranı fərqlənmə diplomu ilə bitirib. Ziyafət Əsgərovun hüquq elminə sonsuz marağı onu elə həmin universitetin Konstitusiya hüququ kafedrasında müəllim kimi fəaliyyətə başlamasına səbəb olub. Cəmi bir il sonra həmin kafedra üzrə aspiranturaya qəbul olan Z.Əsgərov həm də namizədlik dissertasiyasını müdafiə edib.
N.İbadov onu da qeyd edib ki, Ziyafət Əsgərov 60-a yaxın elmi məqalənin, o cümlədən, “Hüquqi dövlətin qurulmasında Konstitusiyanın rolu”, “Konstitusiya hüquq normaları”, “Konstitusiya hüquq elminin mənbələrinin anlayışı və təsnifatı”, “Konstitusiyanın mahiyyəti haqqında” və sair məqalələrin müəllifidir: “O, eyni zamanda “Naxçıvan MR-ın Konstitusiya statusu” adlı monoqrafiyanı, “Konstitusiya hüququ”, “Azərbaycan dövlət və hüququnun əsasları” və sair dərs vəsaitlərini, bakalavr və magistr təhsili pillələri üçün proqramları da işləyib hazırlayıb”.
Ziyafət Əsgərovun 1995-ci ildə müstəqil Azərbaycanın ilk Konstitusiyasını işləyib hazırlayan Komissiyanın işçi qrupunun üzvü olduğunu fəxrlə söyləyən YAP Astara rayon təşkilatının sədri onun elə həmin il I çağırış Azərbaycan Respublikası Milli Məclisinin Hüquq siyasəti və dövlət quruculuğu məsələləri daimi komissiyasının sədr müavini seçildiyini bildirib: “Ulu öndər Heydər Əliyevin siyasi kursunun layiqli davamçısı Prezident İlham Əliyevin siyasətini dəstəkləyən, bu siyasətin həyata keçirilməsində üzərinə düşən vəzifənin öhdəsindən layiqincə gələn, cənab Prezident İlham Əliyevin rəhbərlik etdiyi YAP-ın Siyasi Şurasının üzvü kimi də səmərəli fəaliyyət göstərən Ziyafət Əsgərov 2005-ci ildən Milli Məclis sədrinin birinci müavini, həmçinin, parlamentin Təhlükəsizlik və müdafiə komitəsinin sədri seçilib. O, həm də Azərbaycan Respublikası Milli Məclisinin NATO Parlament Assambleyasındakı nümayəndə heyətinin rəhbəri kimi ölkəmizi ləyaqətlə təmsil edir”.
Ziyafət Əsgərovun Azərbaycan Respublikası Korrupsiyaya qarşı mübarizə üzrə Komissiyanın üzvü kimi də uğurla fəaliyyət göstərdiyini vurğulayan N.İbadov Astara sakinlərini YAP-ın 76 saylı və Lənkəran-Astara və 77 saylı Astara seçki dairəsindən olan namizədlərinə səs verməyə çağırıb.
Daha sonra seçicilər qarşısında çıxış edən millət vəkilliyinə namizəd - Ziyafət Əsgərov seçki platformasından danışmaqla yanaşı, son beş ildəki fəaliyyəti haqqında da məlumat verib. Artıq Astara rayon sakinlərinin ona çox doğma olduğunu bildirən Z.Əsgərov növbəti dəfə parlamentə seçiləcəyi təqdirdə görəcəyi işlər haqqında məlumat verib. O hətta seçilməyəcəyi təqdirdə belə vəd etdiyi işlərin həyata keçməsi üçün çalışacağını söyləyib.
Tədbirdə çıxış edən seçicilər YAP-ın namizədinə səs verəcəklərini bildiriblər.
Kəbutər

Paylaş:

Baxılıb: 1492 dəfə