Məleykə Ağayeva: Ali Baş Komandanımızın rəhbərliyi ilə Azərbaycan Ordusu 44 günlük Vətən müharibəsi ilə tarix yazdı

Bakı:

27 °C

47 %

2 m/s

AZ RU EN

Ana səhifə / YAP xəbərləri / Məleykə Ağayeva: Ali Baş Komandanımızın rəhbərliyi ilə Azərbaycan Ordusu 44 günlük Vətən müharibəsi ilə tarix yazdı

Məleykə Ağayeva: Ali Baş Komandanımızın rəhbərliyi ilə Azərbaycan Ordusu 44 günlük Vətən müharibəsi ilə tarix yazdı

15.12.2020 [09:47]

“Ali Baş Komandanımızın rəhbərliyi ilə Azərbaycan Ordusu 44 günlük Vətən müharibəsi ilə tarix yazdı”. Bu fikri qəzetimizə açıqlama verən Yeni Azərbaycan Partiyası (YAP) Sabirabad rayon təşkilatının sədri Məleykə Ağayeva deyib.
Məleykə Ağayeva bildirib ki, dekabrın 1-də Laçın rayonunun işğaldan azad edilməsi ilə ölkəmizin ərazi bütövlüyünün bərpa edilməsi prosesi başa çatdı. Onun sözlərinə görə, bununla da mənfur düşmənlərimizin öz doğma yurdundan didərgin saldığı həmvətənlərimizin yurd həsrəti bitdi. Şuşada, Cəbrayılda, Füzulidə, Zəngilanda, Qubadlıda, Ağdamda, Kəlbəcərdə, nəhayət, Azərbaycanın dilbər guşələrindən biri olan Laçında üçrəngli bayrağımızın dalğalanması Azərbaycan tarixinin ən parlaq səhifələrini yazdı. Azərbaycan Respublikasının Prezidenti İlham Əliyev Laçın rayonunun işğaldan azad edilməsi münasibətilə xalqa müraciətində bildirdi: “Bölgəmizdə yeni reallıq yarandı. Bu reallığı biz yaratdıq. Azərbaycan yaratdı bu reallığı. Biz düşməni torpaqlarımızdan qovduq. Biz BMT Təhlükəsizlik Şurasının qətnamələrini yerinə yetirdik. Bu qətnamələr 27 il idi ki, kağız üzərində qalırdı. Bu qətnamələr 27 il idi ki, sadəcə olaraq, bir çoxları üçün kağız parçası idi, təkcə Ermənistan üçün yox, başqaları üçün də. Biz deyirdik ki, beynəlxalq hüquq bizim tərəfimizdədir, BMT Təhlükəsizlik Şurasının qətnamələri tələb edir, işğalçı qüvvələr torpaqlarımızdan çıxsın. Amma bunun nəticəsi olmadı. Biz beynəlxalq hüquq praktikasında və bölgəmizdə yeni reallıq yaratdıq. Biz ərazi bütövlüyümüzü bərpa etdik, işğala son qoyduq. Ümid edirəm ki, biz bölgədə bu gün və gələcək üçün yeni təhlükəsizlik, yeni əməkdaşlıq formatını təşkil etdik”.
Rayon təşkilatının sədrinin sözlərinə görə, artıq 30 illik həsrətdən, nisgildən sonra Qarabağın tutqun səması açıldı, başındakı duman, çən dağıldı: “Müzəffər Ali Baş Komandan İlham Əliyevin rəhbərliyi ilə rəşadətli Ordumuz, qəhrəman əsgərlərimiz müqəddəs torpaqlarımızdan düşmənləri qovdu. Bütün elimizə, obamıza qələbə ərməğan etdi, yurdundan didərgin düşən yüzminlərlə vətəndaşımızın Vətən yarasına məlhəm çəkdi, yurda qayıdış ümidlərini dirçəltdi. Qalib Sərkərdəmiz işğaldan azad edilən Vətən torpaqlarına qürurlu bir qəhrəman kimi qədəm qoydu. Bununla da Azərbaycan bölgənin daha qüdrətli ölkəsi kimi şərtlər diktə edən bir gücə çevrildi”.

Paylaş:

Baxılıb: 752 dəfə