Göyçayda “Qurtuluşdan Zəfərə” adlı toplantı keçirilib

Bakı:

20 °C

94 %

3 m/s

Əlaqə

AZ RU EN

Ana səhifə / YAP xəbərləri / Göyçayda “Qurtuluşdan Zəfərə” adlı toplantı keçirilib

Göyçayda “Qurtuluşdan Zəfərə” adlı toplantı keçirilib

12.06.2026 [14:02]

Göyçayda “Şəhərsalma və Memarlıq İli” çərçivəsində 15 iyun - “Milli Qurtuluş Günü” münasibətilə rayon təşkilatının inzibati binasında “Qurtuluşdan Zəfərə” adlı toplantı keçirilmişdir.

Əvvəlcə tədbir iştirakçıları müasir müstəqil Azərbaycan dövlətinin qurucusu, Ümummilli Lider Heydər Əliyevin büstü önünə gül dəstələri düzüb, Ulu öndərin əziz xatirəsini anıblar.

Tədbirdə Ulu Öndər Heydər Əliyevin və Azərbaycanın ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.

YAP Göyçay rayon təşkilatının sədri Sahib Şükürov tədbiri giriş sözü ilə açaraq vurğulayıb ki, 1993- cü ildə Azərbaycan mürəkkəb və çətin bir dövr yaşayırdı. Ölkədə siyasi qarşıdurma, xaos və parçalanma təhlükəsi hökm sürürdü. Müharibədə əldə olunan uğursuzluqlar, öz başına yaradılmış silahlı birləşmələr, yenicə qazanılmış müstəqilliyimizin itirilməsi təhlükəsilə üz-üzə qalmışdı. Məhz belə bir zamanda xalqın təkidli tələbi ilə Ümummilli lider Heydər Əliyevin hakimiyyətə qayıdışı Azərbaycanı təhlükələrdən xilas etdi. Ulu öndərin uzaqgörən siyasəti nəticəsində ölkəmiz sabitlik və inkişaf yoluna qədəm qoydu. S.Şükürov qeyd edib ki, bu gün Prezident İlham Əliyev Ulu Öndərin siyasi kursunu zamanın dəyişən tələblərinə uyğun olaraq uğurla, çox müəkəmməl şəkildə davam etdirir. Ərazi bütövlüyünü bərpa etmiş, beynəlxalq nüfuzu artmış, güclü və qalib dövlətə çevrilmiş Azərbaycan Milli Qurtuluş ideyalarının təntənəsini yaşayır.

Tədbirdə çıxış edən Göyçay Rayon İcra Hakimiyyəti Başçısının müavini Zivər Zeynalova bildirib ki, 15 İyun – Milli Qurtuluş Günü Azərbaycan xalqı üçün böyük ictimai-siyasi və tarixi əhəmiyyətə malik bir gündür. O vurğulayıb ki, bu şanlı tarixin memarı Azərbaycanın inkişafında, müstəqilliyinin möhkəmləndirilməsində və gələcəyinin qurulmasında müstəsna rol oynayan, daim xalqına arxalanan və xalqa arxa-dayaq olan Ulu Öndər Heydər Əliyevdir.

Daha sonra çıxış edənlər qeyd ediblər ki, Ümummilli lider Heydər Əliyevin hakimiyyətə qayıdışı ilə Azərbaycanda o zaman hökm sürən dərin ictimai-siyasi böhrana son qoyulub, Azərbaycanın müstəqilliyinin itirilməsi təhlükəsi aradan qaldırılıb və respublikamızda dövlət quruculuğunun, sosial-iqtisadi inkişafının təməli qoyulub.Vurğulanıb ki, ölkəmizin inkişaf strategiyası məhz ulu öndər Heydər Əliyev tərəfindən müəyyənləşdirilib və bugünkü Azərbaycan Heydər Əliyevin görmək istədiyi Azərbaycandır.

Tədbirin sonunda Yeni Azərbaycan Partiyasının sıralarına qəbul olunmuş yeni üzvlərə partiya vəsiqələri təqdim olunub.

Paylaş:

Baxılıb: 402 dəfə

Xəbər lenti

Hamısına bax