Macarıstan Azərbaycan üçün etibarlı tərəfdaş və dost dövlətdir

Bakı:

24 °C

76 %

13 m/s

Əlaqə

AZ RU EN

Ana səhifə / YAP xəbərləri / Macarıstan Azərbaycan üçün etibarlı tərəfdaş və dost dövlətdir

Macarıstan Azərbaycan üçün etibarlı tərəfdaş və dost dövlətdir

22.05.2025 [22:14]

Rövlan Heydərov,

YAP Naftalan şəhər təşkilatının sədri

Prezident İlham Əliyevin balanslaşdırılmış siyasəti və Azərbaycanda mövcud olan möhkəm sabitlik son dərəcə vacib amillərdəndir ki, ölkəmizin nüfuzunu yüksəldir, beynəlxalq mövqelərini gücləndirir. Azərbaycanın Avropa ölkələri ilə bir çox sahələri əhatə edən əlaqələri son illərdə intensivləşən qarşılıqlı səfərlər, keçirilən görüşlər, imzalanan sənədlərlə daha da möhkəmlənir və genişlənir. Bu baxımdan Prezident İlham Əliyevin Macarıstana rəsmi səfəri hər iki ölkə üçün əhəmiyyətlidir, əlaqələrin daha da inkişafına və qarşılıqlı maraq kəsb edən sahələrdə əməkdaşlığın dərinləşməsinə mühüm təsir göstərəcək.

Məlumdur ki, Macarıstanla dostluq, əməkdaşlıq və strateji tərəfdaşlıq kontekstində inkişaf edən əlaqələrimiz siyasi və iqtisadi sahədə daha genişdir. Macarıstan Azərbaycanın müstəqilliyini tanıyan ilk ölkələr sırasındadır. Azərbaycan torpaqlarının işğal altında olduğu zaman kəsiyində Macarıstanın bütün beynəlxalq platformalarda ölkəmizin ərazi bütövlüyünə dəstək verməsi, rəsmi Budapeştin Azərbaycan-Avropa İttifaqı əlaqələrinin inkişafında önəmli rol oynaması iki dövlət arasındakı qarşılıqlı etimad münasibətlərinin göstəricisi kimi dəyərləndirilməlidir.

Cari ilin 20 may tarixində Prezident İlham Əliyev Macarıstana rəsmi səfəri çərçivəsində Macarıstanın Baş naziri Viktor Orbanla birlikdə mətbuata bəyanatla çıxış etdilər.

Prezident İlham Əliyev çıxışında Azərbaycan və Macarıstanın dost,strateji tərəfdaş və eyni zamanda bir çox məsələ üzrə mövqələrinin üst-üstə düşdüyünü, tarixi köklərimizin eyni olması, iki ölkənin ərazi sahəsinin və əhali sayının bir birini yaxın olmasını və Macarıstanın da Azərbaycan kimi müharibə aparan ölkə ilə həmsərhəd olması kimi oxşarlıqlar hər iki ölkə arasında qarşılıqlı anlaşma üçün gözəl zəmin yaratdığını diqqətə çatdırdı.

Prezident İlham Əliyev Azərbaycanın öz ərazisində dörd il yarım əvvəl müharibə aparararaq 44 gün ərzində Ermənistanın 30 illik işğalına son qoyarkən ordumuzun hər gün irəliyə getdiyini,orduda bir dənə də olsun fərari olmamadığını, ancaq Ermənistan ordusunda isə 12 min fərarinin olduğunu bildirdi.

Prezident İlham Əliyev qeyd etdi ki, İkinci Qarabağ müharibəsi beynəlxalq hüquq çərçivəsində - BMT-nin Nizamnaməsi əsasında aparıldı. BMT-nin Nizamnaməsinin 51-ci maddəsində hər bir ölkənin özünümüdafiə hüququnun oduğunu, Azərbaycanında bu hüquqdan istifadə etdi və uzun illər işğal altında olan torpaqlarını düşmən qüvvələrindən azad edərək 2023-cü ildə öz suverenliyini tam bərpa etdi.

Bu gün Azərbaycan və Macarıstan arasında energetika sahəsində uğurlu əməkdaşlıq mövcuddur. Azərbaycanın nəhəng iki neft və qaz layihəsi olan “Azəri-Çıraq-Günəşli” və “Şahdəniz” yataqlarında Macarıstan şirkətləri pay sahibidirlər.2026-cı ilin əvvələrində növbəti kontrakt imzalanaraq Azərbaycanın qurudakı neft yataqlarında Macarıstan şirkəti fəaliyyətə başlayacaqdır. Eyni zamanda Azərbaycanın qaz resurs bazası kifayət qədər genişləndirilərək, yeni qaz yataqları da istismara veriləcəkdir. Hazırda Azərbaycan 12 ölkəyə təbii qaz ixrac edir.Bu ölkələrdən 10-u Avropa ölkəsi, 8-i isə Avropa İttifaqı üzvüdür. Artıq Avropa Komissiyası Azərbaycanı Pan-Avropa qaz təchizatçısı ölkə və etibarlı tərəfdaş kimi tanıyır.

Əminliklə qeyd etmək olar ki, Azərbaycan-Macarıstan əlaqələri etibarlı tərəfdaşlıq əlaqələrinə, mehriban dostluq münasibətlərinə söykənir. Prezident cənab İlham Əliyevin Macarıstan səfəri dostluq münasibətlərimizi daha da möhkəmləndirəcək və iki ölkə arasında əməkdaşlığa böyük töhfə verəcəkdir.

Paylaş:

Baxılıb: 459 dəfə