“Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

Bakı:

23 °C

83 %

0 m/s

AZ RU EN

Ana səhifə / Sosial / “Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

“Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

28.08.2020 [09:06]

“Azərbaycançılıq ideologiyasının milli vətənpərvərlik ruhunun yüksəldilməsindəki rolu” mövzusunda təşkil edilən tədbirdə azərbaycançılıq ideologiyasının gənc nəslin milli ruhda tərbiyəsində rolundan danışılıb
Xəbər verildiyi kimi, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) qəzet redaksiyalarına maliyyə yardımının göstərilməsi üçün müsabiqə elan edib. Müsabiqə çərçivəsində KİVDF tərəfindən “Azərbaycan Respublikasında Kütləvi İnformasiya Vasitələrinin İnkişafına Dövlət Dəstəyi Konsepsiyası”na uyğun olaraq 19 istiqamət üzrə layihə-təkliflər təqdim olunub.
“Yeni Azərbaycan” qəzeti “Regionların sosial-iqtisadi inkişafının təşviq edilməsi”, “Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi”, eləcə də “Azərbaycançılıq ideyasının təbliği” istiqamətləri üzrə müsabiqənin qalibi olub. Hazırda redaksiya tərəfindən müsabiqə şərtlərinə uyğun olaraq qəzetin səhifələrində hər üç istiqamət üzrə müntəzəm qaydada materiallar dərc olunur. Eynizamanda, “Yeni Azərbaycan” qəzetinin redaksiyası layihələrin icrası çərçivəsində müvafiq mövzuların müzakirəsi ilə bağlı onlayn “dəyirmi masa”ların keçirilməsini davam etdirir.
Beləliklə, avqustun 26-da növbəti “dəyirmi masa” “Azərbaycançılıq ideyasının təbliği” istiqaməti üzrə “Azərbaycançılıq ideologiyasının milli vətənpərvərlik ruhunun yüksəldilməsindəki rolu” mövzusunda keçirilib. “Yeni Azərbaycan” qəzetinin müxbiri, layihə rəhbəri Pərviz Sadayoğlunun moderatorluğu ilə keçirilən “dəyirmi masa”da Milli Məclisin deputatı Azər Badamov, Yeni Azərbaycan Partiyası (YAP) Hacıqabul rayon təşkilatının sədri Hafis Bəşirov və Azərbaycan Respublikasının Prezidenti yanında Qeyri-Hökumət Təşkilatlarına Dövlət dəstəyi Şurasının üzvü, Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənli iştirak ediblər.
Çıxışlar zamanı azərbaycançılıq ideologiyasının milli vətənpərvərlik ruhunun yüksəldilməsindəki rolundan bəhs edilib. Diqqətə çatdırılıb ki, azərbaycançılıq ideologiyası gənc nəslin tərbiyəsində, vətənə bağlılığında, milli maraqlarımız və onun qorunmasında əsaslı əhəmiyyətə malikdir. Bildirilib ki, əsası Ulu Öndər Heydər Əliyev tərəfindən qoyulan və bu gün Prezident İlham Əliyev tərəfindən uğurla davam etdirilən dövlət siyasəti nəticəsində ölkəmizdə milli birlik təmin edilib. Vurğulanıb ki, məhz azərbaycançılıq ideologiyası qısa zaman kəsiyində dünyanın bütün nöqtələrində yaşayan soydaşlarımızın vahid milli amal uğrunda birləşməsini təmin edib.
Tədbirdə o da vurğulanıb ki, bu gün regionlarımızda gənc nəslin milli-vətənpərvər ruhda tərbiyəsi üçün mühüm tədbirlər həyata keçirilir. Qeyd edilib ki, bununla bağlı regionlarımızda YAP rayon təşkilatlarının, eləcə də rayon İcra Hakimiyyətlərinin təşəbbüsü ilə görüşlər keçirilir, bu istiqamətdə maarifləndirmə işi aparılır. Bunun nəticəsidir ki, bu gün hər bir gənc ölkəmizin ərazi bütövlüyü naminə Ali Baş Komandanın hər bir əmrinə hazır olduğunu bildirir.
Onlayn “dəyirmi masa”da mövzu ilə əlaqədar geniş fikir mübadiləsi aparılıb.

Paylaş:

Baxılıb: 631 dəfə