Tərtərdə 15 İyun - Milli Qurtuluş Gününə həsr olunmuş ümumrayon tədbiri keçirilib

Bakı:

24 °C

72 %

15 m/s

Əlaqə

AZ RU EN

Ana səhifə / Sosial / Tərtərdə 15 İyun - Milli Qurtuluş Gününə həsr olunmuş ümumrayon tədbiri keçirilib

Tərtərdə 15 İyun - Milli Qurtuluş Gününə həsr olunmuş ümumrayon tədbiri keçirilib

15.06.2019 [10:16]

Yeni Azərbaycan Partiyası (YAP) Tərtər rayon təşkilatının və rayon İcra Hakimiyyətinin birgə təşkilatçılığı ilə 15 İyun - Milli Qurtuluş Gününə həsr olunmuş ümumrayon tədbiri keçirilib. Tədbir iştirakçıları öncə Ulu Öndər Heydər Əliyevin rayon mərkəzində ucaldılmış abidəsi önünə gül-çiçək dəstələri qoyaraq Onun xatirəsini anıb, sonra Ümummilli Liderimizin həyat və fəaliyyətini əks etdirən kitab sərgisi ilə tanış olublar.
YAP Tərtər rayon təşkilatının qərargahında keçirilən tədbiri giriş sözü ilə açan rayon İcra Hakimiyyətinin başçısı Müstəqim Məmmədov tərtərliləri Milli Qurtuluş Günü münasibəti ilə təbrik edib, Ulu Öndərin Azərbaycan xalqının xilaskarı olduğunu vurğulayıb.
Rayon İcra Hakimiyyətinin başçısı bildirib ki, 15 İyun hər bir Azərbaycan vətəndaşının yaddaşında əbədi həkk olunan tarixi günlərdən biridir. Kəsb etdiyi əhəmiyyətinə görə bu tarix dövlətçiliyimizin və müstəqilliyimizin bütün təhlükələrdən qurtuluşu günüdür: “Hər bir ölkənin tarixində onun gələcək taleyinə bilavasitə təsir göstərən əhəmiyyətli dönüş nöqtələri olur. Azərbaycan xalqının müasir tarixinin çox əhəmiyyətli dönüş nöqtəsi Ulu Öndər Heydər Əliyevin 1993-cü ilin iyununda xalqın təkidi və tələbi ilə hakimiyyətə qayıdışı oldu. Ölkəmiz vətəndaş müharibəsi təhlükəsi ilə üzləşdiyi bir vaxtda xalqın çağırışı ilə Naxçıvandan Bakıya dönən Ulu Öndərin qətiyyəti sayəsində müstəqil respublikamız məhv olmaq təhlükəsindən xilas oldu, Azərbaycanın gələcək inkişafının təməli qoyuldu, müstəqilliyimizin əbədiliyi və dönməzliyi təmin edildi”.
Müstəqim Məmmədov daha sonra Ulu Öndərin siyasətini uğurla davam etdirən Prezident İlham Əliyevin titanik fəaliyyətindən, müstəqilliyimizin qorunub möhkəmləndirilməsi istiqamətində həyata keçirdiyi qlobal işlərdən, Tərtərin də həmişə dövlətimizin diqqət və qayğısı ilə əhatə olunmasından danışıb.
Sonra çıxış edən YAP Tərtər rayon təşkilatı aparatının rəhbəri Kamil Məmmədov, rayon ziyalılarından Elçin Qasımov, Şıxəli Alməmmədov, İlqar Quliyev və rayon Heydər Əliyev Mərkəzinin əməkdaşı Nəcmiyyə Zeynallı Azərbaycanın 26 il əvvəl, iyunun 15-dən başlanan yüksəlişinin bu gün də davam etdiyini vurğulayıblar. Qeyd olunub ki, indi Azərbaycan Prezident İlham Əliyevin məqsədyönlü siyasəti sayəsində dünyanın qüdrətli və zəngin ölkələrindən birinə çevrilib.
Tədbirdə rayonun ictimai-siyasi həyatında fərqlənən bir qrup şəxsə fəxri fərmanlar təqdim edilib.
Sonra tədbir “Heydər parkı”nda rayon mədəniyyət evinin “Tərtər” xalq çalğı alətləri ansamblının konsert proqramı ilə davam edib.

Paylaş:

Baxılıb: 646 dəfə