Şəmkirdə Ulu öndər Heydər Əliyevin Azərbaycanda birinci dəfə hakimiyyətə gəlməsinin ildönümü münasibətilə tədbir keçirilib

Bakı:

29 °C

54 %

1 m/s

AZ RU EN

Ana səhifə / Sosial / Şəmkirdə Ulu öndər Heydər Əliyevin Azərbaycanda birinci dəfə hakimiyyətə gəlməsinin ildönümü münasibətilə tədbir keçirilib

Şəmkirdə Ulu öndər Heydər Əliyevin Azərbaycanda birinci dəfə hakimiyyətə gəlməsinin ildönümü münasibətilə tədbir keçirilib

03.07.2014 [10:09]

14 iyul 1969-cu ildə Ümummilli lider Heydər Əliyevin Azərbaycanda birinci dəfə hakimiyyətə gəlməsinin ildönümü münasibətilə Şəmkir rayon İcra Hakimiyyəti, Yeni Azərbaycan Partiyası (YAP) Şəmkir rayon təşkilatı və Şəmkir rayon Heydər Əliyev Mərkəzinin birgə təşkilatçılığı ilə geniş tədbir keçirilib. Tədbiri Şəmkir rayon İcra Hakimiyyətinin başçısı Nazim Veysov açaraq bildirib ki, Ulu öndərin 1969-cu il 14 iyulda Azərbaycanda rəhbərliyə gəlməsi ölkəmizin ən yeni tarixinin dönüş mərhələsinin başlanğıcı idi. Həmin dövrdə Heydər Əliyevin siyasi rəhbərliyə gəlişinin əhəmiyyətini, Azərbaycanın sonrakı mərhələdə əldə etdiyi uğurları qiymətləndirmək üçün öncə Ulu öndər Heydər Əliyevin Azərbaycana rəhbərliyə gəlişinə qədərki vəziyyətə nəzər salmaq lazımdır. Onda Ulu öndərin Azərbaycan dövləti və xalqı qarşısında xidmətlərinin nə qədər böyük və misilsiz olduğunu daha yaxşı dərk edərik: “Biz Heydər Əliyevin siyasətindən danışanda müstəqil Azərbaycanın quruculuğunu aydın şəkildə görürük. Müstəqil Azərbaycanın Konstitusiyası Heydər Əliyevin şah əsəri olaraq Azərbaycan dövlətinin iqtisadi-siyasi əsaslarının müəyyənləşdiricisidir. Azərbaycan dövlətçiliyinin söykəndiyi təməl prinsiplər Ulu öndər Heydər Əliyev tərəfindən yaradılıbdır”.
Sonra çıxış edən YAP Şəmkir rayon təşkilatının sədri Fəxrəddin Vəliyev bildirib ki, 1969-cu - ildə Ulu öndər Heydər Əliyevin Azərbaycanda siyasi hakimiyyətə gəldiyi dövrdə həm SSRİ məkanında, həm də Azərbaycanda sosial, iqtisadi, siyasi, mədəni və ictimai həyata nəzər salsaq, Azərbaycanın ittifaq miqyasında digər respublikalardan geri qaldığını görərik: “Ulu öndər Heydər Əliyevin hakimiyyətə gəlişi ilə Azərbaycan qısa zaman kəsiyində ittifaq miqyasında iqtisadi baxımdan özünü təmin etməyə qadir olan respublikalar sırasına daxil oldu. Ulu öndər Heydər Əliyev Azərbaycanda siyasi hakimiyyətdə olduğu birinci dövrdə gələcək müstəqil Azərbaycanın iqtisadi, sosial, mənəvi və psixoloji bazasını yaratdı. Ulu öndər Heydər Əliyevin həyata keçirdiyi daxili siyasət sayəsində Azərbaycanda milli özünüdərk, milli özünəqayıdış, milli vətənpərvərliyin gücləndirilməsi baxımından əhəmiyyətli addımlar atıldı”.
Daha sonra çıxış edən Şəmkir rayon Heydər Əliyev Mərkəzinin direktoru Məleykə Əlizadə, rayon Təhsil şöbəsinin müdiri Məcid Şıxlinski və digərləri Ulu öndər Heydər Əliyevin xalqımız və dövlətçiliyimiz qarşısındakı böyük xidmətlərini vurğulayaraq qeyd ediblər ki, əsası Ümummilli liderimiz tərəfindən qoyulan siyasi kursun bu gün Prezident İlham Əliyev tərəfindən uğurla davam etdirilməsi sayəsində Azərbaycan dünyanın ən sürətlə inkişaf edən dövlətinə çevrilib, ölkəmizin nailiyyətləri durmadan artır, bu siyasi kurs sayəsində ölkəmiz yüksək səviyyədə inkişaf edir.

Paylaş:

Baxılıb: 1184 dəfə