Böyük səbr, böyük ağıl: gecikmədən və tələsmədən...

Bakı:

24 °C

44 %

4 m/s

Əlaqə

AZ RU EN

Ana səhifə / Siyasət / Böyük səbr, böyük ağıl: gecikmədən və tələsmədən...

Böyük səbr, böyük ağıl: gecikmədən və tələsmədən...

17.10.2023 [09:26]

Səbr və intizamla qət edilən yolregionun təhlükəsizliyini, inkişafını təmin edəcək

Azərbaycanın müasir tarixinin ən böyük uğuru şəriksiz olaraq Qarabağ müharibəsində əldə olunan qələbəmiz, ərazilərimizin bütövlüyünün təmini və suveren hüquqlarımızın bərpasıdır. Bu sadalananlarla Prezident İlham Əliyev güclü Azərbaycanın qurulması, regional lider faktoruna çevrilməsi uğrunda apardığı 20 illik siyasi fəaliyyətin qəti nəticəsini ortaya qoydu. Dövlət başçısı dəyişən qlobal və regional reallıqlar şəraitində ölkənin milli-strateji maraqlarını qoruya bilmək qabiliyyəti ilə Özünün əsl siyasi lider olduğunu isbatladı - məhz Prezident İlham Əliyevin uğurla yürütdüyü siyasət nəticəsində çoxəsrlik tarixində Azərbaycan heç vaxt indiki qədər güclü olmamışdı. Bunun üçün isə ilk növbədə ölkə iqtisadiyyatı özünün inkişaf tempini artıraraq dünyanın apırıcı reytinq cədvəllərində əks olundu, ordu quruculuğu ən müasir standartlara uyğunlaşdırıldı, sosial problemlərin həlli, həssas təbəqənin mənafeyinin təmini prioritet kimi müəyyənləşdirildi.

Milli maraqlar hər şeydən ucadır

2020-ci il Vətən müharibəsi Prezident İlham Əliyevin əzmli, qətiyyətli siyasətçi və dövlət başçısı olmaqla yanaşı, güclü strateq, hərbi incəlikləri ən yüksək səviyyədə təhlil edərək qərar verən Ali Baş Komandan olduğunu bir daha sübut etdi. Ermənistanın havadarları olan dövlətlər və böyük güclər tərəfindən təzyiqlərə baxmayaraq, Prezident İlham

Əliyev öz prinsipiallığını və qəti əzmini bir daha ortaya qoydu. Ali Baş Komandanın rəhbərliyi altında Azərbaycanın Silahlı Qüvvələri qısa müddətdə Ermənistanın 30 il ərzində havadarlarının dəstəyi ilə qurduğu ordusunu darmadağın etdi. 44 günlük Vətən müharibəsində qazanılmış tarixi Zəfər Azərbaycan Prezidenti İlham Əliyevin rəhbərliyi, düşünülmüş siyasəti, qətiyyəti və prinsipiallığı nəticəsində bütün istiqamətlərdə əldə olunmuş böyük uğurların, güclü dövləti xarakterizə edən bütün komponentlərin üzvi bağlılığının məntiqi nəticəsi idi. Bu Qələbə bir daha göstərdi ki, milli maraqları hər şeydən uca tutan Liderin ətrafında sıx birləşmiş xalq bütün dünyaya öz sözünü deməyə, beynəlxalq münasibətlərdə formalaşmış stereotipləri sındırmağa və düşməni diz çökdürərək tarixi ədaləti bərpa etməyə qadirdir.

Ali geosiyasi iradə...

Qarabağ zəfərinin əldə olunması üçün mühüm siyasi yol qət olundu - bu yolda Prezident İlham Əliyevin ölkəmizə qazandırdığı ən böyük uğurlardan birini bu gün Azərbaycanın müasir beynəlxalq münasibətlər sistemində müstəqil siyasət həyata keçirən güclü və nüfuzlu dövlət, həmçinin etibarlı tərəfdaş kimi tanınması, yeni dünya düzənində etimad qazanması təşkil edir. Prezident İlham Əliyevin rəhbərliyi ilə həyata keçirilən strateji kurs ölkəmizin maraqlarının təmin olunmasına xidmət edir, qarşıya qoyulan strateji hədəflərə çatmağa imkan verir. Son 20 ildə Azərbaycan bütün ölkə və təşkilatlara münasibətdə vahid mövqedən çıxış edib, dostluq və tərəfdaşlıq münasibətlərini hansısa geostrateji təsirə məruz qalmadan müəyyənləşdirib, ikitərəfli və çoxtərəfli münasibətlərdə, dünya siyasətində fəal təmsilçilikdə ali geosiyasi iradəsini nümayiş etdirib. Respublikamızın daxili və xarici siyasət kursunun strateji episentri milli maraqlardır - bununla yanaşı, ölkəmiz yerləşdiyi regionun tam şəkildə inkişafı üçün iradə nümayiş etdirir. Milli maraqlara əsaslanan çoxvektorlu və praqmatik dövlət siyasətinin episentrində isə əməkdaşlıq, tərəfdaşlıq və birgəyaşayış kimi bəşəri dəyərlər dayanır. İkitərəfli və çoxtərəfli münasibətlərdə qarşılıqlı faydalı, bərabərhüquqlu əməkdaşlıq prinsipi əsas götürülür.

Cavab verməli olacaqlar

Bəli, Qarabağın azadlığı uğurunda qət olunan yol səbr və intizama əsaslandı. Yuxarıda qeyd etdiyimiz kimi, dünyada etibarlı tərəfdaş kimi şöhrət qazanmamız II Qarabağ müharibəsində erməni yalanlarının genişlənmək imkanlarını sıfıra endirdi. Bütövlükdə, Qarabağ uğrunda mübarizənin qələbə ilə nəticələnməsi isə Azərbaycanın ədaləti bərpa etməsinə əsaslandı - nə Ermənistan rəhbərliyi, nə də Qarabağdakı hərbi xuntanın başçıları ehtimal belə etmirdilər ki, gün gələcək Azərbaycan təkcə Ağdamda, Füzulidə, Cəbrayılda, Zəngilanda, Qubadlıda, Kəlbəcərdə, Laçında, Şuşada deyil, eləcə də Xankəndidə, Ağdərədə, Xocalıda, Xocavənddə nəzarətini bərpa edəcək, xalqımıza qarşı cinayətlər törətmiş separatçılar isə Azərbaycan məhkəməsi qarşısında cavab verməli olacaqlar. 2023-cü il sentyabrın 20-də 24 saatdan az vaxt çəkən lokal antiterror tədbirləri nəticəsində Azərbaycan Silahlı Qüvvələri Ermənistan Silahlı Qüvvələrinin həmin ərazidəki bütün tör-töküntülərini, hərbi infrastrukturunu sıradan çıxartdı və hərbi xuntanı ağ bayraq qaldırmağa məcbur etdi. Bundan sonra separatçılara özünü buraxmaq barədə qərar qəbul etməkdən başqa çıxış yolu qalmadı.

Bu, Azərbaycanın qələbəyə gedən yolda bütün şərtləri, bütün hesabları ən kiçik incəliklərinə qədər hesablamasının nəticələridir. Bu, Azərbaycan Prezidentinin “nəyi, nə vaxt, necə” etməyi hər kəsdən yaxşı bilməsinin əyani sübutu idi. Bu, qələbə, bu uğur, bu sabitlik yalnız Azərbaycan üçün qazanılmadı - Cənubi Qafqazın gələcək təhlükəsiz inkişafının strateji yol xəritəsi məhz 19-20 sentyabr antiterror tədbirlərinə əsaslanır...

P.SADAYOĞLU

Paylaş:

Baxılıb: 525 dəfə