Təhlükəsizliyin təmini...

Bakı:

24 °C

44 %

3 m/s

Əlaqə

AZ RU EN

Ana səhifə / Siyasət / Təhlükəsizliyin təmini...

Təhlükəsizliyin təmini...

04.10.2023 [11:00]

Dövlətimizin diqqət mərkəzindədir

Azərbaycanın son üç ildə atdığı addımlar, apardığı siyasi kurs Cənubi Qafqazın sülh və təhlükəsizlik məkanına çevrilməsində əsaslı rol oynayıb. Xüsusilə, sentyabrın 19-20-də baş tutan 24 saatlıq antiterror tədbirləri, terrorçu xuntanın zərərsizləşdirilməsi, bölgə üçün mühüm təhdidə çevrilmiş silahların təhvil alınması olduqca mühüm əhəmiyyətə malikdir. Azərbaycan bu yolla bütövlükdə, bölgənin sabitliyinə töhfə verməklə yanaşı, Qarabağda yaşayan erməni sakinləri qeyri-qanuni xuntanın əlindən xilas etdi. İllərlə əsir, girov həyatı yaşayan erməni sakinlər Azərbaycanın uğurlu addımları ilə öz azadlıqlarına qovuşdular. Bu gün reinteqrasiya prosesinin aktiv tətbiqi fonunda təhlükəsizlik məsələsi də mühüm predmetlərdən sayılır.

Daxili işlər orqanları ərazidə təhlükəsizliyi təmin edir

24 saatlıq antiterror tədbirləri zamanı silahlıların təslim olması, silahların təhvil verilməsi, xuntanın ağ bayraq qaldırması təhlükəsizlik tədbirləri baxımından da yeni mərhələ formalaşdırıb. Prezident Administrasiyasının yaydığı məlumatda bildirilir ki, tərk-silah və tərxis prosesi başa çatdırılır, bütün silahlar sakinlərdən yığılır. Azərbaycan Respublikasının daxili işlər orqanları ərazidə ictimai asayişin qorunmasını və sakinlərin təhlükəsizliyini təmin edir. Sakinlər daxili işlər orqanlarına işə cəlb oluna bilər.

Bəli, artıq erməni sakinlər rahat və təhlükəsiz həyata qədəm qoyurlar. Azərbaycanın asayiş keçişikçiləri, hüquq-mühafizə orqanları bu təhlükəsizliyin əsas təminatçısına çevriliblər. Azərbaycan polisi Qarabağda qanunun aliliyinin təmin olunmasına nəzarət edir, erməni sakinlərin sərbəst fəaliyyətinə şərait yaradır. Hətta açıqlamadan da göründüyü kimi, sakinlər daxili işlər orqanlarına cəlb oluna bilərlər. Bu, bir daha ölkəmizin tolerant və qanunların aliliyinin təmin edildiyi dövlət olduğunu sübuta yetirir.

Erməni sakinləri əsarətdən xilas oldular...

Halbuki, indiyə qədər xuntanın Qarabağın erməni sakinlərinə göstərdiyi münasibət

yalnız əsarət kimi dəyərləndirilə bilər. Yayılan informasiyalarda insanların ərzaqla təminatında yaradılan süni əngəllər ortaya çıxır - xunta başçıları ərzaqları insanlardan gizləyirmişlər, anbarlarda saxlayırmışlar, onları aclıqla, yoxsulluqla özlərindən asılı vəziyyətə salırmışlar. Ortaya çıxan faktlar göstərir ki, Qarabağın erməni sakinlərinin həm təhlükəsizlikləri, həm həyatları, həm ərzaq təminatları təhdid altında imiş.

Artıq bu çətinliklər geridə qalıb. Bu gün Azərbaycan öz tarixi torpaqlarında suverenliyini bərpa edib. Bu regionun təhlükəsiz inkişafı, insanların təhlükəsiz bir mühitdə yaşaması bizim üçün əsas məsələlərdəndir. Qeyd edilən amil Azərbaycan dövləti tərəfindən qarantiya altındadır...

S.İSMAYILZADƏ

Paylaş:

Baxılıb: 515 dəfə