Avropa İttifaqı və Avropa Parlamenti Dağlıq Qarabağ probleminin həllinə böyük önəm verir

Bakı:

23 °C

64 %

2 m/s

Əlaqə

AZ RU EN

Ana səhifə / Siyasət / Avropa İttifaqı və Avropa Parlamenti Dağlıq Qarabağ probleminin həllinə böyük önəm verir

Avropa İttifaqı və Avropa Parlamenti Dağlıq Qarabağ probleminin həllinə böyük önəm verir

24.06.2011 [09:48]

Azərbaycan Prezidenti İlham Əliyevin və Avropa Parlamentinin sədri Yeji Buzekin birgə mətbuat konfransı olub
Xəbər verdiyimiz kimi, iyunun 22-də Brüsseldə Azərbaycan Prezidenti İlham Əliyevin və Avropa Parlamentinin sədri Yeji Buzekin birgə mətbuat konfransı olub.
Avropa Parlamentinin sədri Yeji Buzek və Azərbaycan Prezidenti İlham Əliyev əvvəlcə mətbuata bəyanatlarla çıxış ediblər.
Avropa Parlamentinin sədri Yeji Buzek çıxış edərək Prezident İlham Əliyevi Avropa Parlamentinə ilk dəfə gəlişi münasibətilə ürəkdən salamlayıb.
O, vurğulayıb ki, biz parlamentlərimiz arasında əlaqələri inkişaf etdirməliyik.
Yeji Buzek həmçinin, Azərbaycan Prezidentinin məhbusları azad etməsini alqışladığını dilə gətirib.
“Enerji sahəsində əməkdaşlığımız, xüsusilə də qaz layihələrində, eynilə də Bakı-Tbilisi-Ceyhan neft boru kəməri regionda vəziyyəti tamamilə dəyişdi” - deyən, Avropa Parlamentinin sədri bildirib ki, Avropa İttifaqı və Avropa Parlamenti dünyanın bu regionunda dondurulmuş Dağlıq Qarabağ probleminin həllinə böyük önəm verir: “Biz ATƏT-in Minsk qrupunun fəaliyyətinə, Rusiya, Fransa və ABŞ-ın fəaliyyətinə çox ciddi yanaşırıq. Başqa çox vacib bir məqam əlbəttə ki, Madrid prinsipləridir. Mən bütün bu məqamları bir daha cənab Prezidentin diqqətinə çatdırdım. Biz bu məsələdə dəstək verməyə, kömək etməyə hazırıq”.
Azərbaycan Prezidenti İlham Əliyev çıxış edərək söyləyib ki, əminəm ki, mənim Avropa Parlamentinə, Avropa İttifaqına və Avropa Komissiyasına səfərim gələcək əlaqələrimizin inkişafında çox mühüm rol oynayacaq: “Biz bir məsələdə birləşmişik və bu, bir-birimizə yaxınlaşmaq və Avropa təsisatları ilə Azərbaycan arasında mümkün qədər çox sahələri əhatə edəcək uzunmüddətli strateji tərəfdaşlıq qurmaqdır.
Bugünkü danışıqlarımız zamanı daha çox diqqət Azərbaycanda siyasi islahatların davam etdirilməsinə, demokratik sistemin gücləndirilməsinə və Azərbaycanın siyasi sisteminin Avropa İttifaqı ölkələrinin siyasi sisteminə yaxınlaşdırılmasına yönəldi. Həmçinin, Azərbaycanda iqtisadi islahatlar yalnız o zaman uğurlu ola bilər ki, bu islahatlar siyasi islahatlarla birgə aparılsın. Bizim çox liberal iqtisadi qanunvericiliyimiz vardır. Bu, bizə xarici sərmayədarları cəlb etməyə kömək edir. İnvestorlar adətən siyasi vəziyyəti proqnozlaşdırıla bilən və sərmayələrin qorunduğu ölkələrə sərmayə yatırırlar”.
“Ermənistan-Azərbaycan, Dağlıq Qarabağ münaqişəsinin həlli təkcə Azərbaycan üçün deyil, həm də regional inkişaf və təhlükəsizlik üçün çox vacibdir” - deyən dövlətimizin başçısı İlham Əliyev diqqətə çatdırıb ki, bu münaqişə regional sabitlik və təhlükəsizlik üçün ən böyük təhlükədir: “Biz ATƏT-in Minsk qrupu həmsədr ölkələrinin rəhbərlərinin və bu gün cənab Barrozunun bəyanatlarından ruhlanırıq ki, status-kvo qəbuledilməzdir. Bu gün biz eyni fikri cənab Buzek ilə də bölüşdük. Bu çox vacib bəyanatlardır. çünki biz bu münasibətləri illərdir ki, gözləyirdik. Bildiyiniz kimi, bizim torpaqlarımız artıq 20 ilə yaxındır ki, işğal altındadır və yüz minlərlə azərbaycanlı öz torpaqlarında qaçqın və məcburi köçkün kimi yaşayır. Status-kvonun dəyişdirilməsi Azərbaycan torpaqlarının azad olunmasına, Ermənistan ilə Azərbaycan arasında sülh sazişinin əldə edilməsinə, bütün kommunikasiyaların açılmasına, bütün qaçqın və köçkünlərin öz doğma yurdlarına qayıtmasına gətirib çıxaracaqdır. Bu isə öz növbəsində Cənubi Qafqaz regionunda tamamilə yeni bir vəziyyət yaradacaqdır. Ondan sonra isə üç Cənubi Qafqaz ölkəsi siyasi islahatları birgə aparmağa və Avropa təsisatları ilə daha sıx əlaqələr qurmağa başlaya bilərlər.
Avronestin yaradılması yaxın tarixin ən mühüm hadisələrindəndir. Bu isə Avropa ilə Qafqaz ölkələri arasındakı əlaqələrə uyğundur. “Şərq tərəfdaşlığı”, Avronest, Assosiativ razılaşmaya dair danışıqlar - bütün bunlar əməkdaşlığımızın mühüm elementlərindəndir və bizə Avropaya daha yaxın olmağa imkan verəcəkdir”.
“Azərbaycan böyük enerji ehtiyatlarına malik olan bir ölkə kimi potensialını reallaşdırmaq istəyir ki, özünün enerji resurslarını dünya bazarlarına nəql edə bilsin” - deyən Prezident İlham Əliyev əlavə edib ki, Avropanın isə şaxələndirməyə, yeni təchizat marşrutlarının yaranmasına ehtiyacı var: “Bu məsələdə bizim maraqlarımız üst-üstə düşür. Bu səbəbdən əməkdaşlığımız, onun gündəliyi çox genişdir. Bu gün Avropa Parlamentini ziyarətim bu münasibətlərin hər iki tərəf üçün nə qədər vacib olduğunu göstərir”.
Sonra jurnalistin sualları cavablandırılıb.

Paylaş:

Baxılıb: 1032 dəfə