Cəmil Həsənlinin antimilli siması

Bakı:

28 °C

47 %

4 m/s

Əlaqə

AZ RU EN

Ana səhifə / Siyasət / Cəmil Həsənlinin antimilli siması

Cəmil Həsənlinin antimilli siması

25.06.2021 [09:31]

İyunun 15-də Şuşa şəhərində Türkiyə ilə Azərbaycan arasında müttəfiqlik münasibətləri haqqında Bəyannamənin imzalanması hər iki ölkədə böyük sevinclə və təqdirlə qarşılandı. Ölkəmizdə fəaliyyət göstərən 48 siyasi partiyanın birgə bəyanat yayaraq Şuşa Bəyannaməsini dəstəklədiyini ifadə etməsi isə xüsusi vurğulanmalıdır.
Bununla belə, hər zaman ölkəmizin milli maraqlarına zidd mövqedə olan, 44 günlük Vətən müharibəsi dövründə milli birliyimizi əks etdirən birgə bəyanatlara, o cümlədən tarixi Şuşa Bəyannaməsi ilə bağlı birgə bəyanata imza atmayan radikal müxalifət növbəti dəfə xəyanətkar mövqeyini ortaya qoymaqdadır. Antimilli şuranın sədri Cəmil Həsənlinin timsalında radikal ünsürlər həm də sosial şəbəkələrdə Türkiyə-Azərbaycan münasibətlərini hədəfə alır, yeni qarayaxma kampaniyası aparırlar.
Məsələ ilə bağlı fikirlərini bölüşən Milli Məclisin deputatı Ramil Həsən bildirib ki, Şuşa Bəyannaməsi Azərbaycan ilə Türkiyə arasında imzalanmış tarixi sənəddir. Millət vəkilinin fikrincə, bu Bəyannamə Azərbaycan və Türkiyə münasibətlərinin bugününü və gələcəyini müəyyən edəcək razılaşmadır. O qeyd edib ki, bəhs olunan Bəyannamə Azərbaycan və Türkiyə xalqları, dostlarımız tərəfindən böyük sevinclə qarşılansa da, hələ də bunu qəbul edə bilməyən qüvvələr var. Millət vəkili vurğulayıb ki, bəzi qüvvələrin bu sənədi hədəfə almağa çalışması anlaşılan deyil: “Tarixi Şuşa Bəyannaməsinə dəstək bəyanatına qoşulmayan radikal ünsürlər dövlətimizə qarşı çirkin təbliğat kampaniyasını davam etdirirlər. Bu, qəbuledilməzdir. Onların bu mövqeyi birmənalı şəkildə xəyanət kimi dəyərləndirilməlidir. Çünki Şuşa Bəyannaməsi iki dövlətin gücünün birləşməsidir. Yəqin ki, dağıdıcı müxalifət aldığı sifarişlər əsasında bu məsələdə fərqli mövqe nümayiş etdirir. Amma onların hansı mövqedə olmalarına baxmayaraq, Azərbaycan və Türkiyə qardaşlığı daimi, dönməz və əbədidir”.
Milli Məclisin deputatı Kamilə Əliyeva da tarixi Şuşa Bəyannaməsini Azərbaycan-Türkiyə münasibətlərində yeni yol xəritəsi adlandırıb. Onun sözlərinə görə, bu Bəyənnamə iki ölkənin bütün müstəvilərdə birgə əməkdaşlığını təmin edəcək. Radikal müxalifətin bu Bəyannaməyə və Azərbaycanla Türkiyə arasındakı münasibətlərə xələl gətirmək üçün apardığı qarayaxma kampaniyasına gəldikdə isə, millət vəkili qeyd edib ki, Azərbaycan xalqına, dövlətinə qarşı olan düşmən qüvvələrə xidmət göstərənlərdən fərqli mövqe gözləmək olmazdı: “Xatırlasaq, hələ ötən il dövlət sərhədinin Tovuz rayonu istiqamətində erməni təxribatları törədildiyi zaman, eləcə də 44 günlük Vətən müharibəsi dövründə siyasi partiyaların qəbul etdikləri birgə bəyanatlara qoşulmayan radikal müxalifət növbəti dəfə xəyanətkar simasını ortaya qoymuşdu. Bu dəfə də analoji vəziyyəti müşahidə etməkdəyik. Ermənipərəst dairələrin direktivləri əsasında hərəkət edən dağıdıcı düşərgə təmsilçiləri Azərbaycan-Türkiyə müttəfiqliyini hədəfə almağa çalışır, sosial şəbəkələrdə bu istiqamətdə dezinformasiyalar yayır, absurd iddialar səsləndirirlər. Bu isə bir daha onların milli mənafedən deyil, öz şəxsi maraqlarından çıxış etdiklərini göstərir”.
Pərviz SADAYOĞLU

Paylaş:

Baxılıb: 630 dəfə