Dağlıq Qarabağ münaqişəsi Kişinyovda müzakirə olunacaq

Bakı:

18°C

72%

10m/s

Əlaqə

AZ RU EN

Ana səhifə / Siyasət / Dağlıq Qarabağ münaqişəsi Kişinyovda müzakirə olunacaq

Dağlıq Qarabağ münaqişəsi Kişinyovda müzakirə olunacaq

08.10.2009 [09:43]

Rusiya, Azərbaycan və Ermənistan prezidentləri Moldovada bir araya gələcəklər
Ermənistan-Azərbaycan, Dağlıq Qarabağ münaqişəsinin həlli istiqamətində aparılan danışıqlar prosesi 2009-cu ildə dinamikliyi ilə seçilir. Bu ilin iyununda Sankt-Peturburqda, daha sonra Moskvada dövlət başçıları arasında keçirilən görüşlər münaqişənin həlli istiqamətində irəliləyiş sayıla bilər. Aparılan danışıqlarda hər zaman konstruktiv mövqeyi ilə seçilən Azərbaycan problemin yalnız ölkəmizin ərazi bütövlüyü çərçivəsində həllinin mümkünlüyünü bəyan edib. Bu isə, beynəlxalq hüquq normalarına, BMT-nin Təhlükəsizlik Şurasının qəbul etdiyi qətnamələrə, o cümlədən, ötən il imzalanan Moskva Bəyannaməsinə uyğundur.
Münaqişənin həlli istiqamətində növbəti görüş isə Kişinyovda keçiriləcək. Bu görüşdən öncə regiona səfər edən ATƏT-in Minsk qrupunun həmsədrləri həm Azərbaycan, həm də Ermənistan prezidentləri ilə danışıqlar aparıblar. Dövlət başçıları ilə keçirilən görüşlərdən sonra mətbuata açıqlamalarında olduqca optimist fikirlər səsləndirən həmsədrlər Kişinyov görüşünün münaqişənin həlli ilə bağlı dönüş nöqtəsi ola biləcəyini deyiblər. Qeyd edək ki, Azərbaycan və Ermənistan prezidentlərinin MDB dövlət başçılarının sammiti çərçivəsindəki növbəti görüşündə Rusiya prezidentinin də iştirakı gözlənilir. Bu barədə məlumatı Rusiya prezidentinin mətbuat katibliyi yayıb. Məlumata əsasən, MDB dövlət başçılarının Moldovanın paytaxtı Kişinyovda keçiriləcək sammiti çərçivəsində Rusiya, Ermənistan və Azərbaycan prezidentləri arasında üçtərəfli görüş keçiriləcək.
Artıq yenilənmiş Madrid prinsipləri üzərində aparılması gözlənilən danışıqlar prosesindən gözləntilər birmənalı deyil. O baxımdan ki, hər zaman danışıqların sülh yolu ilə inkişafına maneçilik yaradan Ermənistanın bu dəfə də analoji addım atması yenidən münaqişənin həllinin uzanmasına yol aça bilər. Lakin ermənilər unutmamalıdırlar ki, işğalçılıq siyasəti yürüdərək bölgədə sülhün və sabitliyin bərqərar olmasına mane olan Ermənistan Azərbaycan torpaqlarını işğal altında saxlamaqla həm bölgənin sürətli inkişafına mane olur, həm də özünü dünyanın ən aparıcı layihələrindən kənarda qoyur.
Azərbaycan isə qarşı tərəfdən konkret addımların atılmasını gözləyir. çünki ölkəmiz münaqişənin həlli prosesinin daha da uzadılmasını yolverilməz hesab edir. Eyni zamanda Azərbaycanın həm iqtisadi potensialı, həm müdafiə gücü, həm ordusu, həm də ölkənin daxilindəki vətəndaş birliyi torpaqlarımızın başqa üsullarla işğaldan azad olunmasını şərtləndirir. Amma ölkəmiz hələ də sülh prosesinə sadiqlik nümayiş etdirir.
Təəssüf ki, Ermənistan təmsilçiləri Kişinyov görüşü öncəsi yenidən öz xislətlərinə uyğun ampluada çıxış edirlər. Bu ölkənin xarici işlər naziri Edvard Nalbandyan Dağlıq Qarabağ münaqişəsinin həlli istiqamətində sıçrayış gözləməyin lazım olmadığını deyib. Erməni nazir danışıqlar prosesinin müəyyən vaxt tələb etdiyini bildirib. Amma deyəsən o, unudur ki, Azərbaycan ilə Ermənistan arasında artıq 15 ildir ki, danışıqlar prosesi gedir.
Yeri gəlmişkən, Türkdilli ölkələrin dövlət başçılarının Naxçıvanda keçirilən IX zirvə görüşündəki çıxışı zamanı Prezident İlham Əliyev Ermənistan-Azərbaycan, Dağlıq Qarabağ münaqişəsinin həlli ilə bağlı uzun illərdir ki, danışıqların aparıldığını qeyd edib və bildirib ki, danışıqlar prosesində müsbət dinamika müşahidə olunsa da, hələlik heç bir nəticəyə gəlinməyib: “Danışıqlar prosesi deyə bilərəm ki, artıq sonuncu mərhələsindədir. Müzakirə olunan məsələlər münaqişənin həllinə kömək göstərə bilər”.
Bəli, Azərbaycan münaqişənin yalnız beynəlxalq hüquq normaları çərçivəsində həll edilməsini arzulayır və Kişinyov görüşündə danışıqların hansı istiqamətdə getməsindən asılı olmayaraq ölkəmiz öz qəti mövqeyindən geri çəkilməyəcək. çünki öz haqqı uğrunda mübarizə aparan Azərbaycan dövləti gec-tez bu mübarizədən qalib ayrılacağına inanır.
Pərviz SADAYOÄžLU

Paylaş:

Baxılıb: 1080 dəfə