Separatizmə laqeyd münasibət Avropanın öz başında çatlayır

Bakı:

16 °C

88 %

7 m/s

Əlaqə

AZ RU EN

Ana səhifə / Siyasət / Separatizmə laqeyd münasibət Avropanın öz başında çatlayır

Separatizmə laqeyd münasibət Avropanın öz başında çatlayır

24.11.2017 [10:02]

Rufiz Qonaqov: Əgər etnik separatizmə, terrorizmə bu gün düzgün qiymət verilməsə, işğalçı öz adı ilə çağırılmasa, dünyanın nizamı daha çox pozulacaq
Beynəlxalq Münasibətlərin Araşdırılması Mərkəzinin (BMAM) sədri, politoloq Rufiz Qonaqov bildirib ki, Brüsseldə keçirilən Qarabağ beynəlxalq forumu olduqca əhəmiyyətli idi: “Forumun keçirilməsi onu göstərdi ki, Azərbaycan da separatizmdən, terrorizmdən narahatdır. Ölkə rəhbəri İlham Əliyev də bunu bütün beynəlxalq tədbirlərdə səsləndirib. Prezidentin İctimai-siyasi məsələlər üzrə köməkçisi Əli Həsənovun da qatıldığı forumda Avropanın aparıcı şəxsləri iştirak edirdilər.
Forum çərçivəsində etnik separatizm, beynəlxalq terrorla mübarizə üsulları ilə bərabər ikili standart kimi problemlərə də toxunuldu. Tədbirdə Əli Həsənov separatizmdən əziyyət çəkən bir çox əraziləri göstərdi. Xəritəni göstərərək qeyd etdi ki, 20-dən çox ölkədə separatizm silahlı toqquşmalarla müşahidə olunur. Eləcə də Dağlıq Qarabağ münaqişəsi qeyd edildi. Təəssüf ki, 25 il keçməsinə baxmayaraq, işğal faktı aradan qaldırılmamış vəziyyətdədir. Əgər etnik separatizmə, terrorizmə bu gün düzgün qiymət verilməsə, işğalçı öz adı ilə çağırılmasa, dünyanın nizamı daha çox pozulacaq.
Kataloniya problemi ortaya çıxanda Azərbaycan beynəlxalq hüququ müdafiə etdi. Eləcə də digər beynəlxalq təşkilatlar yalnız İspaniyanı dəstəklədilər. Belə olduğu halda isə Emənistana qarşı eyni münasibət bəslənilmir. Necə ola bilər ki, BMT-nin baş katibi Ermənistan və Azərbaycan prezidentlərini eyni cür qəbul edir və eyni münasibət bəsləyir? Hətta fikirlər səsləndirir ki, Ermənistan terrorla mübarizəyə böyük töhfələr verib. Halbuki, Ermənistanın dəstəklədiyi ASALA kimi terror təşkilatı var. Həmçinin Azərbaycan torpaqlarının işğalı faktı göz önündədir. Azərbaycan isə kiminsə torpaqlarını işğal etməyib. Gərək etnik separatizm Avropanın mərkəzinə çatsın ki, onlar problemin yalnz bir ölkənin dərdi olmadığını anlasınlar. Bu, artıq Avropa üçün də böyük təhlükədir. O baxımdam ümid edirik ki, Kataloniya rəhbərliyinə qarşı atılan addım Ermənistan rəhbərliyinə qarşı da atılacaq. Çünki Azərbaycanın ərazi bütövlüyünü bütün dünya ölkələri tanıyır.
Dünya birliyi tərəfindən ərazi bütövlüyünə qarşı təhdidlər pislənməsə, dünyanın nizamı birdəfəlik pozulacaq. O zaman həmin beynəlxalq təşkilatlara da ehtiyac qalmayacaq. Belə olduğu halda məlum olacaq ki, həmin qurumlar yalnız imitasiya ilə məşğuldur. Proseslər yeni dünya müharibəsinə qədər dərinləşə bilər. Ona görə də beynəlxalq təşkilatların buna getməsi inandırıcı deyil. Artıq təhlükə öz ərazilərini bürüyüb. Problemin qarşısının birdəfəlik alınmasından başqa yol yoxdur”.

Paylaş:

Baxılıb: 443 dəfə