Heydər Əliyev
yeni azerbaycan logo

Ana səhifə / Siyasət / YAP Sədrinin müavini – İcra katibi Əli Əhmədov Çin Kommunist Partiyasının nümayəndə heyəti ilə görüşüb

YAP Sədrinin müavini – İcra katibi Əli Əhmədov Çin Kommunist Partiyasının nümayəndə heyəti ilə görüşüb

15.11.2017 [10:09]

Noyabrın 14-də Azərbaycan Respublikası Baş nazirinin müavini, Yeni Azərbaycan Partiyası (YAP) Sədrinin müavini-İcra katibi Əli Əhmədov ölkəmizdə səfərdə olan Çin Kommunist Partiyası Mərkəzi Komitəsinin beynəlxalq əlaqələr şöbəsi katibinin müavini Li Çjunun rəhbərlik etdiyi nümayəndə heyəti ilə görüşüb.
Qonaqları salamlayan Əli Əhmədov bildirib ki, qarşılıqlı səfərlər iki ölkə arasında əlaqələrin inkişaf etdirilməsinə əhəmiyyətli təsir göstərir. İki dövlət arasında dostluq münasibətlərinin yüksək səviyyədə olduğunu deyən Əli Əhmədov qeyd edib ki, Çin Kommunist Partiyası ilə YAP arasında da yaxşı əlaqələr var. Əli Əhmədov Azərbaycan ilə Çin, eləcə də Yeni Azərbaycan Partiyası ilə Çin Kommunist Partiyası arasındakı əməkdaşlığın mövcud vəziyyətindən bəhs edərək münasibətlərin daha da inkişafı üçün geniş perspektivlərin olduğunu bildirib.
YAP Sədrinin müavini Azərbaycan ilə Çin arasındakı dostluq əlaqələrinin əhəmiyyətini vurğulayaraq, ortaq iqtisadi maraqlar, hər iki ölkənin tarixi İpək Yolunun bərpasındakı rolu və digər bu kimi amillərin əməkdaşlığın inkişafına zəmin yaratdığını qeyd edib. Bildirilib ki, üst-üstə düşən maraqlar ölkələrimiz arasında münasibətlərin bundan sonra da inkişafına əhəmiyyətli töhfə verəcək.
Li Çjun Yeni Azərbaycan Partiyası ilə Çin Kommunist Partiyası arasında əlaqələrin inkişafından məmnunluğunu bildirib. Qonaq təmsil etdiyi partiyanın Yeni Azərbaycan Partiyası ilə münasibətlərə xüsusi əhəmiyyət verdiyini qeyd edib. Li Çjun Yeni Azərbaycan Partiyasının yaradılmasının 25 illik yubileyi münasibətilə təbriklərini də çatdırıb. O, ölkələrimizin dostluq münasibətlərinin qarşılıqlı əməkdaşlığın daha da genişlənməsi baxımından böyük əhəmiyyətə malik olduğunu qeyd edib.
Görüşdə qarşılıqlı maraq doğuran məsələlərlə bağlı ətraflı fikir mübadiləsi aparılıb.
Görüşdə YAP İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov, YAP-ın beynəlxalq əlaqələr şöbəsinin müdiri, Milli Məclisin deputatı Sevinc Fətəliyeva və Azərbaycan Respublikasının Çin Xalq Respublikasındakı fövqəladə və səlahiyyətli səfiri Əkrəm Zeynallı da iştirak ediblər.
N.BAYRAMLI

Paylaş:
Baxılıb: 595 dəfə

Xəbər lenti

Hamısına bax

Analitik

Analitik

İqtisadiyyat

YAP xəbərləri

Sosial

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30