Yerevanda böhran davam edir

Bakı:

22 °C

53 %

1 m/s

Əlaqə

AZ RU EN

Ana səhifə / Siyasət / Yerevanda böhran davam edir

Yerevanda böhran davam edir

12.12.2015 [10:50]

Bildiyimiz kimi, Ermənistanda bu ilin iyununda başlayan mitinqlər hələ də davam etməkdədir. Bu mitinqləri və xalq etirazlarını “Maydan” hərəkatına bənzədənlər çox olsa da, təəssüf ki, bu çevrələr önəmli bir həqiqəti unutmuşdular. Belə ki, Ermənistan heç vaxt müstəqil daxili və xarici siyasət kursuna sahib olmayıb.
20 ildən çoxdur davam edən Ermənistan-Azərbaycan, Dağlıq Qarabağ münaqişəsi hələ də öz həllini tapmayıb. Ermənistanın Azərbaycan torpaqlarını işğal etməsi nəticəsində ölkəmizə 818,88 milyard ABŞ dolları dəyərində maddi zərər dəyib. Bundan başqa, Ermənistan BMT Təhlükəsizlik Şurasının qəbul etdiyi 822, 853, 874 və 884 saylı qətnamələrini və beynəlxalq təşkilatların Azərbaycanın işğal olunmuş Dağlıq Qarabağ və ətrafındakı 7 rayonun heç bir şərt irəli sürülmədən dərhal boşaldılması haqqında bütün qərarlarını heçə saymaqdadır. Amma Ermənistan iqtidarı öz mənfəətlərini xalqının müqəddəratından üstün tutaraq ölkəni fəlakətə sürükləyir. Bütün bunların nəticəsi olaraq təsadüfi deyil ki, Ermənistan təcrid vəziyyətinə düşüb. Ermənistan bölgənin bütün önəmli layihələrindən kənarda qalıb. Nəticədə Ermənistanda əhalinin sayı sürətlə azalır, ölkədə işsizlik və inflyasiyanın səviyyəsi çox yüksəkdir. Ermənistan gəncləri Dağlıq Qarabağda savaşmaqdan qaçırlar və onlar çox yaxşı anlayırlar ki, hökumətləri işğalçı və monoetnik siyasətini davam etdirdiyi müddətdə Ermənistanı daha mürəkkəb vəziyyət gözləyir.
Xatırladaq ki, artıq 1 dekabrdan başlayaraq erməni müxalifəti ölkədə keçiriləcək referendumun cinayətkar rejimi daha da gücləndirəcəyini deyir və xalqı küçələrə çıxmağa səsləyirdi. Erməni müxalifətinin rəsmi qurumlara göndərdiyi mitinq icazəsinə isə mənfi cavab verilmişdi. Buna baxmayaraq, müxalif qruplar mitinqi Yerevanın Azadlıq meydanında keçirməyi planlaşdırırdılar və bunun üçün meydanda çadırlar da qurmuşdular. Amma Ermənistan hökuməti referendum keçirmək üçün son qərarını verdi. Çox maraqlıdır ki, seçkiləri, sadəcə, MDB-dən olan müşahidəçilərin izləməsinə icazə verildi. Bu vəziyyət seçkilərin nə qədər “demokratik” keçirildiyinin digər bir nümunəsidir. Bu referendumla konstitusiyada edilən dəyişikliklərə əsasən Ermənistan tam olaraq parlamentar idarə sisteminə keçəcək, ölkə prezidentinin rəhbərlik dövrü əvvəlki kimi 5 il deyil, 7 il olacaq. Bundan başqa, prezident vətəndaşların səsverməsi ilə birbaşa seçilməyəcək. Onu parlament deputatlarından və yerli idarəetmə orqanlarından təşkil edilmiş xüsusi qrup seçəcək. Baş nazir vəzifəsinə namizədlər parlamentdəki səsvermə çoxluğu ilə müəyyən ediləcək, baş naziri isə prezident təyin edəcək. Müharibə baş verərsə, o, ali baş komandan olacaq və silahlı qüvvələr birbaşa qanunverici hakimiyyətə tabe olacaq. Yeni layihədə deputat sayının azaldılması da nəzərdə tutulub. Həmçinin Ermənistan parlamentində hazırkı 131 deputat əvəzinə 101 deputat olacaq. Ermənistan müxalifəti isə bu dəyişikliklərin hazırkı prezident Serj Sarkisyanın və onun rəhbəri olduğu siyasi partiyanın iqtidarda qalması üçün həyata keçirildiyini iddia edirlər.
Məsud Musayev

Paylaş:

Baxılıb: 735 dəfə