Heydər Əliyev
yeni azerbaycan logo

Ana səhifə / Siyasət / “Yunanıstan səfirinin addımı diplomatik normalara uyğun gəlməyən bir addımdır”

“Yunanıstan səfirinin addımı diplomatik normalara uyğun gəlməyən bir addımdır”

06.06.2015 [11:08]

“Yunanıstanın Azərbaycandakı səfirinin addımı diplomatik normalara uyğun gəlməyən bir addımdır”. Bunu Gün.Az-a açıqlamasında Yeni Azərbaycan Partiyasının Siyasi Şurasının üzvü, millət vəkili Aydın Mirzəzadə deyib.
A.Mirzəzadənin sözlərinə görə, ümumiyyətlə, istənilən səfirin vəzifəsi öz ölkəsi ilə nümayəndə təyin olunduğu ölkə arasında dostluq münasibətləri yaratmaq və münasibətlərin daha da genişlənməsinə kömək etməkdir.
O qeyd edib ki, iyunun 12-də açılışı keçiriləcək ilk Avropa Oyunları - möhtəşəm idman festivalı da əslində, Avropanın tədbiridir: “Tarixdə ilk dəfə olaraq Avropa Oyunları keçirilir və həmin Oyunlar Azərbaycandan daha çox Avropaya lazımdır. Bu baxımdan, bəzi ölkə nümayəndələrinin Avropa Oyunlarına siyasi prizmadan yanaşması, bunu sırf Azərbaycanın daxili bir işi kimi qəbul etməsi, sadəcə, başadüşülən deyil. Hesab edirəm ki, burada da diplomatik yanaşmadan daha çox, siyasi yanaşma var. Avropadakı bəzi anti-Azərbaycan dairələri buraya müəyyən ölkələri də cəlb edə biliblər”.
“Amma nə etmələrindən asılı olmayaraq, ilk Avropa Oyunları yüksək səviyyədə keçiriləcək, o cümlədən, dünyanın diqqət mərkəzində olacaq. Bu Oyunlara idman yarışı, dostluq-qardaşlıq yarışı kimi baxan ölkələrin rəhbərləri yarışları izləmək üçün Azərbaycana gələcəklər və Azərbaycan da öz üzərinə düşən bu yüksək missiyanı yerinə yetirəcək”, - deyə A.Mirzəzadə əlavə edib.

 
Paylaş:
Baxılıb: 599 dəfə

Xəbər lenti

Hamısına bax

İqtisadiyyat

Sosial

Ədəbiyyat

Ədəbiyyat

Dialoqlar

16 May 08:50

Ədəbiyyat

Şənbə üçün nəzm

16 May 08:33  

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31