Azərbaycançılıq məfkurəsinin əsası Ulu öndər Heydər Əliyev tərəfindən qoyulub

Bakı:

26 °C

59 %

3 m/s

Əlaqə

AZ RU EN

Ana səhifə / Siyasət / Azərbaycançılıq məfkurəsinin əsası Ulu öndər Heydər Əliyev tərəfindən qoyulub

Azərbaycançılıq məfkurəsinin əsası Ulu öndər Heydər Əliyev tərəfindən qoyulub

06.05.2015 [10:08]

“Türkiyə Universitetləri Məzunları” İctimai Birliyi Azərbaycan xalqının Ümummilli lideri Heydər Əliyevin anadan olmasının 92-ci ildönümünə həsr olunmuş tədbir keçirib
Dünən Beynəlxalq Mətbuat Mərkəzində “Türkiyə Universitetləri Məzunları” İctimai Birliyi (TUMİB) Azərbaycan xalqının Ümummilli lideri Heydər Əliyevin anadan olmasının 92-ci ildönümünə həsr olunmuş tədbir keçirib. Tədbirdə TUMİB-nin sədri Çingiz Bayramov, Azərbaycan Ağsaqqallar Şurasının sədri, millət vəkili Fəttah Heydərov, Azərbaycan Respublikası Prezidenti Administrasiyasının İctimai-siyasi məsələlər şöbəsinin Gənclərlə iş sektorunun məsul əməkdaşı Rahu Qurbanova, Gənclər və İdman Nazirliyinin nümayəndələri, Türkiyədə təhsil alan tələbələr və media nümayəndələri iştirak ediblər.
Tədbiri giriş sözü ilə açan TUMİB sədri Çingiz Bayramov qeyd edib ki, Azərbaycançılıq milli həmrəyliyi, bütövlüyü təmin edən, milli təəssübkeşlik və vətənpərvərlik hissini gücləndirən məfkurədir: “Azərbaycançılıq məfkurəsinin əsası Ulu öndər Heydər Əliyev tərəfindən qoyulub”.
Ç.Bayramov əlavə edib ki, müasir müstəqil Azərbaycan dövlətinin ideya əsaslarını Azərbaycançılıq ideologiyası təşkil edir: “Biz Azərbaycançılıq ideologiyasının sistemli şəkildə təbliği üçün bu layihə çərçivəsində müxtəlif tədbirlər keçirmişik. Tədbirlərimiz Şəmkir, Salyan, Qəbələ və Bakının Binəqədi rayonunda baş tutub. Hesab edirəm ki, bu cür layihələr milli ideologiyamızın təbliği və mənimsənilməsi baxımından əhəmiyyətlidir”.
Tədbirdə çıxış edən Azərbaycan Ağsaqqallar Şurasının sədri, millət vəkili Fəttah Heydərov deyib ki, məhz Sovet dövründə respublika rəhbəri olmaqla bərabər Heydər Əliyevin mənəviyyat, təhsil, mədəniyyət, əxlaq və milli adət-ənənələrin qorunması və inkişafı sahəsində gördüyü işlər müstəqil dövlətimizin yaradılması ilə nəticələndi: “Azərbaycançılıq ideologiyası da məhz buradan qaynaqlanır. Bu ideologiya ölkəmizdə yaşayan xalqları bir amal uğrunda birləşdirir: Hamımızın Vətəni Azərbaycandır və biz bu müstəqil dövlətimizi qoruyub inkişaf etdirməliyik!”
Millət vəkili əlavə edib ki, müstəqillik illərində Ulu öndər Heydər Əliyevin rəhbərliyi ilə görülən işlər azərbaycançılıq ideologiyasının təbliği və mənimsənilməsində müstəsna əhəmiyyət kəsb etdi: “Azərbaycan xalqı, ictimaiyyətin nümayəndələri çox haqlı olaraq bu illər ərzində ölkədə bütün sahələrdə uğurlara gedilən yolun parlaq bir yol olduğunu qeyd edir və bu yol Heydər Əliyev yolu adlandırılır. Bu gün ölkəmiz Ümummilli liderin ideyaları - Heydər Əliyev yolu əsasında inkişaf edir. Azərbaycanın mövcudluğunun qorunub saxlanması, inkişafı, ölkəmizdə sabitlik və həmrəyliyin təmin olunması bilavasitə xalqımızın Ümummilli lideri Heydər Əliyevin adı ilə bağlıdır”.
Azərbaycan Respublikası Prezidenti Administrasiyasının İctimai-siyasi məsələlər şöbəsinin Gənclərlə iş sektorunun məsul əməkdaşı Rahu Qurbanova isə bildirib ki, Azərbaycanın dinamik inkişafı, qazandığı çoxsaylı nailiyyətlər erməni lobbisi ilə əməkdaşlıq edən müəyyən dairələrdə narahatlıq yaradır. Gələn ay Bakıda keçiriləcək ilk Avropa Oyunları ilə bağlı əks-təbliğat işləri aparan təşkilatlardan danışan R.Qurbanova əlavə edib ki, həmin təşkilatlar heç vaxt Xocalı faciəsi, Azərbaycan xalqına qarşı törədilən soyqırımıları ilə bağlı bəyanat verməyiblər: “Bunların məqsədləri bəllidir, bunlara maliyyə verən tərəflər də bəllidir. Mən Azərbaycan gənclərini bu kimi təşkilatların fikirlərinə aldanmamağa çağırıram”.
Sonda isə TUMİB Prezident yanında Gənclər Fondunun maliyyə dəstəyi ilə həyata keçirdiyi “Gənclər arasında Azərbaycançılıq məfkurəsinin təbliği” adlı layihənin gənclər arasında təşkil olunan - yazı, şeir və mahnı müsabiqələrinin qaliblərini mükafatlandırıb.
Nurlan QƏLƏNDƏRLİ

Paylaş:

Baxılıb: 837 dəfə