Novruz Məmmədov: Azərbaycan və İran xalqlarının mənafeyi əlaqələrin genişləndirilməsini tələb edir

Bakı:

18 °C

76 %

6 m/s

AZ RU EN

Ana səhifə / Siyasət / Novruz Məmmədov: Azərbaycan və İran xalqlarının mənafeyi əlaqələrin genişləndirilməsini tələb edir

Novruz Məmmədov: Azərbaycan və İran xalqlarının mənafeyi əlaqələrin genişləndirilməsini tələb edir

17.03.2015 [10:15]

Azərbaycan Respublikası Prezidenti Administrasiyası rəhbərinin müavini, Xarici əlaqələr şöbəsinin müdiri demişdir: “Azərbaycan və İran xalqlarının mənafeyi iki ölkə münasibətlərinin inkişafı və genişləndirilməsini tələb edir”.
Novruz Məmmədov İRNA-ya eksklüziv müsahibəsində bildirmişdir: “Azərbaycan Respublikası öz milli müstəqilliyini əldə etdikdən sonra Azərbaycanın mərhum Prezidenti Heydər Əliyevin müəyyənləşdirdiyi xarici siyasətin prioritetlərindən biri İran İslam Respublikası ilə sıx dostluq və əməkdaşlıq münasibətlərinin qurulması və inkişafı olmuşdur’’.
Onun sözlərinə görə, Azərbaycan hökuməti daim bu prinsipə sadiq qalmışdır və bu siyasət indi də davam etdirilir.
Novruz Məmmədov son bir ildə Azərbaycan Respublikası ilə İran arasında münasibətlərin və əməkdaşlığın öz inkişafının yeni mərhələsinə daxil olduğunu vurğulayaraq, demişdir: “Bu mühüm proses gözlənilən idi, çünki iki ölkə xalqlarının mənafeyi əlaqələrin daha da genişləndirilməsini tələb edir”.
Azərbaycan Respublikası Prezidenti Administrasiyası rəhbərinin müavini, Xarici əlaqələr şöbəsinin müdiri Azərbaycan ilə İran arasında müştərək tarixi, mədəni, dini və mənəvi xüsusiyyətlərin mövcudluğundan bəhs etmiş və bildirmişdir: “Son bir ildə iki ölkə prezidentlərinin bir neçə görüşü nəticəsində tərəflər arasında əlaqələrin genişləndiyini müşahidə edirik”.
Novruz Məmmədov əlavə etmişdir: “İki ölkənin dövlət başçılarının tərəflər arasında münasibətləri dərinləşdirmək üçün əzm və iradəsi bütün sahələrə müsbət təsir göstərmişdir və hal-hazırda biz Azərbaycan və İran rəsmilərinin müntəzəm qarşılıqlı səfərlərinin şahidiyik. Bu səfərlərin hər biri ikitərəfli münasibətlər və əməkdaşlığın müxtəlif aspektlərinin araşdırılması, eləcə də iqtisadi fəaliyyətlərin və müştərək layihələrin həyata keçirilməsi baxımından əhəmiyyətlidir”.
Onun dediyinə görə, hazırda İran-Azərbaycan əlaqələrində heç bir məhdudiyyət yoxdur və iki ölkənin əməkdaşlığı bütün sahələri əhatə edir.
Novruz Məmmədov Azərbaycanın dost və qonşu ölkə kimi İran İslam Respublikasına yönəlik hər cür təhdid və təhlükələrə etirazını bildirməklə aydın və birmənalı mövqe tutduğunu vurğulayaraq, demişdir: “Bu siyasət bu gün də davam edir”.
O, müsahibəsinin bir hissəsində İŞİD kimi terrorçu qruplaşmaların fəaliyyəti nəticəsində Orta Şərqdə yaranmış gərginlik və böhrandan bəhs edərək, bu cür hallara qarşı təsirli mübarizə üçün region dövlətlərinin vahid mövqedən çıxış etməsinin səmərəli olacağını bildirmiş və demişdir: “Azərbaycan Respublikası ilə İran bu sahədə də əməkdaşlıq edirlər”.
Mənbə: İRNA

Paylaş:

Baxılıb: 660 dəfə