İranın “Dəniz” qəzeti Azərbaycan xalqının Ümummilli lideri Heydər Əliyevlə bağlı məqalə dərc edib

Bakı:

28 °C

47 %

3 m/s

AZ RU EN

Ana səhifə / Siyasət / İranın “Dəniz” qəzeti Azərbaycan xalqının Ümummilli lideri Heydər Əliyevlə bağlı məqalə dərc edib

İranın “Dəniz” qəzeti Azərbaycan xalqının Ümummilli lideri Heydər Əliyevlə bağlı məqalə dərc edib

11.12.2014 [10:18]

İran İslam Respublikasında nəşr edilən “Dəniz” qəzetində Azərbaycan xalqının Ümummilli lideri Heydər Əliyevin anım günü ilə əlaqədar məqalə dərc olunub.
Məqalədə Ulu öndərin həyat və fəaliyyətinin ən mühüm məqamlarından bəhs olunur. Bildirilir ki, Heydər Əliyev hələ gənc yaşlarından mühüm dövlət orqanlarında çalışaraq böyük dövlətçilik təcrübəsi qazanmışdı. Onun iti zəkası və uzaqgörənliyi yüksək dövlət vəzifələrinə irəli çəkilməsinə səbəb olmuşdu. Azərbaycana uğurla rəhbərlik edən Heydər Əliyevin iqtisadiyyatı, eləcə də sənayeni və kənd təsərrüfatını idarə etmək qabiliyyəti Sovet hökumətinin diqqətindən yayınmamış və o, daha böyük vəzifəyə irəli çəkilərək SSRİ Nazirlər Soveti sədrinin birinci müavini vəzifəsinə təyin edilmişdi. Bu mühüm vəzifənin öhdəsindən bacarıqla gələn Heydər Əliyev dünyanın ən böyük dövləti olan SSRİ-də əhəmiyyətli işlərin müəllifi olub.
Materialda qeyd edilir ki, Heydər Əliyevin bacarığı və qabiliyyəti bir çoxları kimi, Mixail Qorbaçovun da paxıllığına səbəb olurdu. M.Qorbaçov hakimiyyətə gəldikdən sonra Azərbaycan xalqına qarşı olduqca mənfi münasibət göstərirdi. Əlbəttə, belə münasibət Heydər Əliyevi qane edə bilməzdi. SSRİ hakimiyyətinin Azərbaycan xalqına qarşı qərəzli mövqeyi 1990-cı ilin 20 yanvarında özünü bariz şəkildə göstərdi. Azərbaycan xalqı torpaqlarının ermənilər tərəfindən işğal olunmasına və Moskvanın buna biganə yanaşmasına etiraz etməyə başlamışdı. Xalq meydanlara toplaşaraq ədalət tələb edirdi. Lakin başda M.Qorbaçov olmaqla SSRİ rəhbərliyi Bakıya qoşun yeritdi və Azərbaycan xalqının qanı axıdıldı. Məhz bu hadisədən sonra Kommunist Partiyasının sıralarını tərk edən Heydər Əliyev vətəni Azərbaycana döndü. Xalqın tələbi ilə hakimiyyət qayıtdı və Azərbaycanı tənəzzülə uğramış bir respublikadan dünyanın dinamik inkişaf edən dövlətinə çevirdi.
Məqalədə Ulu öndərin müstəqil Azərbaycana rəhbərlik etdiyi dövrdə qonşu ölkələrlə, xüsusilə İranla münasibətlərin inkişafına böyük önəm verdiyi xatırlanır və Heydər Əliyevin vaxtilə dediyi bu sözlər yer alır: “İran ilə Azərbaycan arasında olan əlaqələrin tarixi böyükdür. Xalqlarımız əsrlər boyu yan-yana, bir yerdə yaşamış, eyni ənənələrə malik olaraq bir-birinə həmişə dayaq durmuşlar. Azərbaycan dövlət müstəqilliyini qazandıqdan sonra İran ilə Azərbaycan arasındakı əlaqələr dövlət səviyyəsinə qalxıb və qarşılıqlı surətdə faydalı dövlətlərarası əlaqələrə çevrilibdir”.

Paylaş:

Baxılıb: 1666 dəfə