Azərbaycanda milli inkişaf modelinin əsaslarını sosial dövlət prinsipləri təşkil edir

Bakı:

28 °C

47 %

3 m/s

Əlaqə

AZ RU EN

Ana səhifə / Siyasət / Azərbaycanda milli inkişaf modelinin əsaslarını sosial dövlət prinsipləri təşkil edir

Azərbaycanda milli inkişaf modelinin əsaslarını sosial dövlət prinsipləri təşkil edir

25.11.2014 [09:36]

Sevinc Fətəliyeva: Bu gün Azərbaycan dünyanın bir çox ölkələri üçün uğurlu inkişaf formulu kimi təqdim edilir
Yeni Azərbaycan Partiyası (YAP) Qadınlar Şurasının sədr müavini, Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Malaziyada səfərdədir. Kuala Lumpur şəhərində Birləşmiş Malaziya Milli Təşkilatının təşəbbüsü ilə “Birləşmiş dünya: milli quruculuq çağırışları” mövzusunda keçirilən beynəlxalq forumda YAP-ın təmsilçisi olaraq iştirak edən S.Fətəliyeva dünən “Xalqın artan səs potensialının reallaşması” mövzusunda çıxış edib. S.Fətəliyeva ölkəmizin son 10 ildə əldə etdiyi nailiyyətlərdən, QHT-lərə dövlət dəstəyindən, KİV-lərə yaradılan şəraitdən, insan haqları sahəsində Milli Fəaliyyət Proqramından, dövlət gənclər və gender siyasətindən söhbət açıb.
S.Fətəliyeva bildirib ki, bu gün Azərbaycan dünyanın bir çox ölkələri üçün uğurlu inkişaf formulu kimi təqdim edilir. Onun sözlərinə görə, müstəqillik illərində ölkəmizdə bir çox yeniliklər baş verib. “Azərbaycan 10 il ərzində iqtisadi islahatların aparılması ilə dünyanın ən sürətli iqtisadi inkişafına nail olub. İqtisadi sahədə xeyli irəliləyərək dünyanın inkişaf etmiş ölkələri sırasına daxil olmaqla yanaşı, həm də vətəndaş cəmiyyətinin qurulması istiqamətində bir çox nailiyyətlər əldə edib. Müstəqillik əldə etdikdən sonra Azərbaycanda da vətəndaş cəmiyyəti institutunun inkişaf dövrü başlayıb. Azərbaycan dövləti ölkədə vətəndaş cəmiyyəti institutlarının formalaşmasında hüquqi dövlət quruculuğuna xüsusi önəm verir. Demokratik dəyərlərin və təsisatların təşəkkül tapması, mütəmadi surətdə yenilənərək inkişaf etdirilməsi, insan və vətəndaş hüquq və azadlıqlarının təmin və müdafiə edilməsi, vətəndaş cəmiyyəti quruculuğunun sürətləndirilməsi kimi təməl strateji istiqamətlər müstəqil Azərbaycan dövlətinin milli siyasət kursunun əsasını təşkil etməkdədir. Həyata keçirilən rasional və praqmatik siyasi kursun fonunda insan və vətəndaş hüquq və azadlıqlarının təminatının daha da gücləndirilməsi, qanunvericilik bazasının zənginləşdirilməsi, ictimai-siyasi təsisatların fəaliyyət mexanizminin artırılmasına yardım edən hüquqi islahatların həyata keçirilməsi, həmçinin, digər bu kimi tədbirlər demokratikləşmə prosesinin daha da sürətlənməsini şərtləndirdi”, - deyə S.Fətəliyeva vurğulayıb.
Azərbaycanda milli inkişaf modelinin əsaslarını sosial dövlət prinsipləri təşkil edir. Bu prinsiplər hər bir vətəndaşın yüksək sosial rifahının təmin edilməsi kimi ümdə məsələləri əhatə edir. Bu gün tam cəsarətlə demək olar ki, ölkəmizdə aparılan müstəqil dövlət quruculuğu prosesində iqtisadi islahatların və inkişafın Azərbaycan modeli yaranıb. Bu model əsasında uğurla həyata keçirilən və yeni çalarlarla zənginləşdirilən sosial-iqtisadi siyasətin nəticələri Azərbaycanın həm də beynəlxalq imicinin və dövlət müstəqilliyinin daha da möhkəmləndirilməsinə gətirib çıxarıb. Hər sahə üzrə proqramların mövcudluğu, həyata keçiriləcək layihələrin xalq tərəfindən dəstəklənməsi, birgə addımların atılması gələcəyə daha böyük inamla irəliləməyə stimul verir”, - deyə millət vəkili vurğulayıb.
Nardar BAYRAMLI

Paylaş:

Baxılıb: 967 dəfə