YAP Xızı rayon təşkilatı özünün 16 illiyini qeyd etdi

Bakı:

24 °C

74 %

15 m/s

Əlaqə

AZ RU EN

Ana səhifə / Gündəm / YAP Xızı rayon təşkilatı özünün 16 illiyini qeyd etdi

YAP Xızı rayon təşkilatı özünün 16 illiyini qeyd etdi

07.03.2009 [15:37]

Yeni Azərbaycan Partiyası Xızı rayon təşkilatının yaradılmasının 16 illiyi ilə əlaqədar yığıncaq keçirilib. Yığıncağı giriş sözü ilə açan YAP Siyasi Şurasının üzvü, Xızı Rayon İcra Hakimiyyətinin başçısı Vaqif Abdullayev öncə partiyanın yaradıcısı və təsisçisi ulu öndər Heydər Əliyev şəxsiyyəti haqqında danışıb və o zaman partiyanın çətin şəraitdə ulu öndər tərəfindən yaradılmasını bildirib. Natiq bu gün YAP-ın cəmiyyətdə yüksək səviyyədə iş aparmasını və xalqın dərin rəğbət və sevgisini qazandığını qeyd edib. Vaqif Abdullayev YAP-ın ölkədə böyük nüfuza malik olduğunu vurğulayıb. ölkədə aparılan tikinti-quruculuq işlərindən söz açan V.Abdullayev bildirib ki, Regionların Sosial-İqtisadi İnkişafı Dövlət Proqramı uğurla davam etdirilir. Həmin proqram çərçivəsində görülən tikinti-quruculuq işləri nəticəsində regionlarımız inkişaf edib və ölkəmizin bütün şəhər və rayonları öz simasını dəyişib. Artıq xalq bunları yüksək qiymətləndirir. Elə buna görə də insanlarımız 2008-ci il prezident seçkilərində yüksək səviyyədə iştirak edərək öz sözlərini dedilər. Bu gün millətin həyat şəraiti çox yüksəkdir. Bütün sahələrdə irəliləyişlər göz qabağındadır. Dəfələrlə pensiya və təqaüdlərin artırılması insanlarımızın yaşayış tərzinə öz müsbət təsirini göstərir. Ona görə də hər birimiz dövlətə və dövlətçiliyə sədaqətlə xidmət etməliyik.
Sonra çıxış edən YAP Xızı rayon təşkilatının sədri Fərrux Haqverdiyev bildirib ki, çətin dövr və zamana baxmayaraq, partiyanın Xızı rayon təşkilatı 21 nəfərin iştirakı ilə yaranıb. Bu gün təşkilat sıraları artaraq 1463 nəfərə çatıb. Natiq, həmçinin, qeyd edib ki, artıq həmin vaxtdan 16 il ötür. Bu vaxt ərzində partiyamız formalaşıb, öz ətrafına xeyli miqdarda partiya üzvünü cəlb edib. Bu gün aramızda olan partiya üzvlərinin çoxu rayonun idarə, müəssisə və təşkilatlarında mühüm dövlət vəzifələrində çalışırlar. Partiya sıralarında olan üzvlərin 624 nəfəri, yəni, 43,1 faizini gənclər, 40,6 faizini isə qadınlar təşkil edir. Bu gün rayon üzrə 6956 nəfər əmək qabiliyyətli əhalinin partiya üzvlərinin sayına nisbəti 20,5 faiz təşkil edir ki, bu da yüksək göstəricidir. Bu rəqəm durmadan artır.
Natiq sonra 2008-ci ildə ölkəmiz üçün xüsusi əhəmiyyət kəsb edən və ötən ilin ən mühüm siyasi hadisəsi olan prezident seçkiləri keçirilməsinə toxunub və bildirib ki, partiyanın rayon təşkilatı YAP Mərkəzi Aparatı tərəfindən tərtib edilmiş fəaliyyət planına əsasən öz işlərini qurub, seçki qərargahının rayon şöbəsini yaradıb, həmçinin, 11 nəfər partiya fəallarından ibarət qərargah üzvlərinin seçildiyini bildirib. Sonra o, prezident seçkilərinin çox yüksək səviyyədə keçirildiyini və rayon əhalisinin 7019 nəfər seçicisindən 6282 nəfərinin, yəni, 89,4 faizinin seçkilərdə iştirak etdiyini, eləcə də iştirak edənlərin 96,96 faizinin cənab İlham Əliyevə səs verdiklərini bildirib.
F.Haqverdiyev, həmçinin, prezident seçkilərindən öncə - avqust ayının 22-də ölkə Prezidenti İlham Əliyevin Xızı rayonuna səfərindən danışıb: “Onun gəlişi bizləri çox sevindirib. Cənab Prezident rayonda olarkən bir sıra obyektlərin açılışında iştirak edib. Həmin vaxt rayon ictimaiyyəti ilə görüşən cənab İlham Əliyev rayonumuzla maraqlandı və rayonun inkişafı üçün gələcəkdə bir sıra köməkliklərin edilməsini və turizmin inkişafı, yolların asfaltlaşdırılması, əhalinin içməli su ilə təmin edilməsi üçün müəyyən addımların atılacağını vurğuladı. Bu, Xızı əhalisinə verilən töhfə idi. Həmçinin, 2008-ci ildə cənab Prezidentin Xızı qəsəbəsinə şəhər statusunun verilməsi haqqında imzaladığı Sərəncam da bizlərə olan qayğının təzahürüdür. Biz öz əməlimizlə, öz işlərimizlə bütün bunları doğrultmalıyıq”.
Bir neçə gün sonra ölkəmizdə Konstitusiyaya təklif olunan əlavə və dəyişikliklərlə bağlı referendum keçiriləcəyini xatırladan natiq əlavə edib ki, bu tarixi hadisəyə hazırlıq işlərinə 5 yanvar tarixindən start verilib. Bu istiqamətdə YAP Xızı rayon təşkilatının seçki qərargahı öz ənənəsinə uyğun olaraq işlərini qurub, “Yeni Azərbaycan” təşviqat qrupunun rayon şöbəsini yaradıb, 15 nəfərdən ibarət təbliğat-təşviqat qrupları yaradılıb, rayonun kənd və qəsəbələrində aparacaqları işlər də onların nəzərinə çatdırılıb.
Sonra F.Haqverdiyev bildirib ki, referendumda da Xızı sakinləri fəal iştirak etməklə güclü dövlət naminə öz sözünü deyəcək.
Tədbirdə iştirak edən BDU-nun professoru, YAP İdarə Heyətinin üzvü Şahlar Əsgərov qeyd edib ki, Xızı əhalisi saf qəlbli, təmiz ürəkli insanlardır. Daim bu insanlar həm partiyanı, həm də dövlətimizi dəstəkləyiblər. Onlar bilirlər ki, dövlətimiz inkişaf edir və xalqımızın güzəranı yaxşılaşır. Natiq sonra ümummilli lider Heydər Əliyevin Azərbaycan dövlətçiliyinə və Yeni Azərbaycan Partiyasına verdiyi töhfələrdən danışıb.
Sonra “Səs” qəzetinin baş redaktoru, “Səs” İnformasiya agentliyinin direktoru Bəhruz Quliyev öz çıxışında öncə rayon təşkilatının yaranmasının 16 illiyi münasibətilə tədbir iştirakçılarını təbrik edib və partiyanın keçdiyi yola nəzər salaraq ulu öndər Heydər Əliyev tərəfindən yaradılmış hakim partiyanın inkişaf və tərəqqi siyasətinin önündə getdiyini bildirib. Natiq, həmçinin, YAP-ın yaranmasının 1988-ci ildən başlayaraq ölkəmizdə cərəyan edən hadisələrin yekunu və mövcud olan ictimai-siyasi şəraitin məntiqi nəticəsi olduğunu vurğulayıb.
YAP Xızı rayon təşkilatı Gənclər Birliyinin sədri Laiqə Əliyeva çıxış edərək partiyanın keçdiyi şərəfli yola nəzər salıb və hazırda ölkədə bütün sahələrdə inkişaf və tərəqqiyə diqqət yetirildiyini bildirib. L.Əliyeva YAP Xızı rayon təşkilatı Gənclər Birliyinin, həmçinin, Xızı gənclərinin prezident seçkilərində olduğu kimi, referendumda da mütəşəkkil qaydada iştirak edəcəyini bildirib.
Tədbirdə partiya fəallarına və idmançıl
ara fəxri fərmanlar, yeni qəbul olunmuş üzvlərə partiya üzvlük vəsiqələri verilib.
Sonda Azərbaycan Respublikasının Prezidenti, Yeni Azərbaycan Partiyasının Sədri İlham Əliyevə müraciət qəbul olunub.

Paylaş:

Baxılıb: 1684 dəfə