Xocalı qatili Ohanyan həbs edilir? - deputat toxunulmazlığı ləğv olundu...

Bakı:

24 °C

62 %

1 m/s

Əlaqə

AZ RU EN

Ana səhifə / Analitik / Xocalı qatili Ohanyan həbs edilir? - deputat toxunulmazlığı ləğv olundu...

Xocalı qatili Ohanyan həbs edilir? - deputat toxunulmazlığı ləğv olundu...

09.07.2025 [09:31]

Paşinyan kilsə nümayəndələrini təhqir etdi: azğın, antimilli və dövlət əleyhinə olan antixristlər...

Ermənistanda bir müddətdir davam edən gərginlik yeni mərhələyə qədəm qoyub. Baş verənlərin ardından emosiyaların zəifləyəcəyi düşünülsə də, baş nazir Nikol Paşinyan yenidən kilsə ilə bağlı sosial şəbəkə statusu yazıb. Bu dəfə daha ağır və sərt ifadələrdən istifadə edən Paşinyan bildirib ki, kilsə hazırda antixristian, əxlaqsız, milli maraqlara və dövlətçiliyə qarşı çıxan bir qrupun nəzarətindədir. Paşinyan qeyd edib ki, Erməni Apostol Kilsəsinin bu qruplardan azad olunmasına şəxsən rəhbərlik etməyi planlaşdırır. “Əsas məsələ bu müddət ərzində aydın oldu: İsa Məsih ilə Nersisyan, Qalstyan, Ajapaxyan və digərlərinin təlimlərinin heç bir əlaqəsinin olmaması. İsa Məsihin Evi azğın, antimilli və dövlət əleyhinə olan antixristlər tərəfindən tutulub və o, azad edilməlidir. Bu azadlığa özüm rəhbərlik edəcəm”.

Arxiyepiskop cavab verdi...

Arxiyepiskop Mikael Ajapaxyan isə Paşinyanın statusuna cavab verib. “Bu gün səhər xüsusi göstərişlə barəmdə qanunsuz cinayət təqibi başladan (adını çəkmərəm) bütün ermənilərin katolikosuna, mənə və arxiyepiskop Baqrat Qalstanyana qarşı növbəti yalan və böhtan xarakterli bəyanatla çıxış edib. Bu məsələ ilə bağlı yalnız bir şeyi deyim: mənim dərin əminliyimə görə, arxiyepiskop Baqrat Qalstanyan heç bir terror qruplaşması yaratmayıb. Ona görə də mən olmayan bir şeyi dəstəkləyə və ya iştirak edə bilmərəm. “Başa düşürsən, sən, ......? (hər kəs öz mülahizəsinə görə əlavə edə bilər),” arxiyepiskop qeyd etdi.

Karapetyanın ofisindən 37 sənəd götürülüb

Samvel Karapetyana məxsus “Ermənistanın Elektrik Şəbəkələri” şirkətinin milliləşdirilməsi haqqında qanun layihəsinin qəbulunun ardından Ermənistan hüquq-mühafizə orqanları dünən səhər saatlarında “Ermənistan Elektrik Şəbəkələri” QSC-nin inzibati binasında xüsusi əməliyyat həyata keçiriblər. Şirkətin nümayəndəsi Natalya Saracyan hadisə ilə bağlı açıqlama verərək bildirib ki, əməkdaşlar hələ işə başlamamışdan əvvəl hüquq-mühafizə əməkdaşları binaya daxil olub və giriş-çıxışa nəzarət ediblər.

Hüquq-mühafizə orqanlarının əməkdaşları Ermənistan Elektrik Şəbəkələrinin (ENA) ofisini tərk etdikdən sonra İdarə Heyətinin sədri Narek Karapetyan jurnalistlərə bildirib ki, istintaq zamanı onun ofisindən 37 sənəd götürülüb. “Onlar nə istəsələr deyə bilərlər - aydındır ki, əvvəlcədən planlaşdırılmış prosesi başlatmağa çalışırlar. Amma hələ də düzgün mövqe tuta bilməyiblər. Bu gün Ermənistanda heç kim həbsdən qorxmur. Nə qədər istəsələr, həbs etsinlər. İndi Ermənistanda dəmir barmaqlıqlar arxasında qalmaq cəza deyil, şərəfdir”, - o vurğulayıb.

Geniş əməliyyat başlayır...

Qeyd edək ki, Ermənistan İstintaq Komitəsinin İqtisadi Cinayətlər və Qaçaqmalçılıq üzrə Baş İdarəsi xüsusilə külli miqdarda dələduzluq, çirkli pulların yuyulması və xüsusilə külli miqdarda vergidən yayınma faktları ilə bağlı cinayət işini araşdırır. İstintaq Komitəsinin məlumatına görə, bu əməllər uydurma əsaslar yaratmaqla bir sıra şirkətlərin fəaliyyətini faktiki idarə edən şəxslər tərəfindən törədilib. İlkin istintaqın bir hissəsi olaraq 11 nəfər barəsində cinayət işi başlanıb. Onlardan 5-i barəsində həbs qətimkan tədbiri seçilib, 1 nəfərin tərk etməmə ilə bağlı yazılı öhdəliyi alınıb. 1 nəfərin həbsi ilə bağlı axtarış elan edilib, həmçinin 4 nəfər barəsində axtarış elan edilib. İstintaq qrupu istintaqı maraqlandıran 51 ünvanda eyni vaxtda axtarışlar aparıb.

“168.am” saytının etibarlı məlumatına görə, Eçmiədzin kilsəsində də irimiqyaslı araşdırmalara başlanacaq. Bu araşdırmada iştirak etmək üçün prosesə 100-dən çox müstəntiq səfərbər edilib. Nəşrin məlumatına görə, toplanan 100-dən çox müstəntiq toplaşmanın məqsədi barədə dəqiq izahat verməyib, çox güman ki, informasiya sızmasından ehtiyatlanıblar. İrimiqyaslı aksiyaların katolikosun iqamətgahı ilə yanaşı, Erməni Apostol Kilsəsinin ayrı-ayrı yepiskoplarının iqamətgahlarında keçirilməsi gözlənilir. Nəşr onu da ehtimal edir ki, “Ermənistanın Elektrik Şəbəkələri” şirkətinin ofisində və Samvel Karapetyanın qardaşı oğlu Narek Karapetyanın evində aparılan axtarışlar diqqəti yayındırma xarakteri daşıya bilər.

Parlamentdə növbəti dava...

Hakimiyyətlə kilsə arasındakı ziddiyyətlər isə artıq siyasi dairələr arasında da uçurumu dərinləşdirib. Belə ki, parlamentin “Ermənistan” fraksiyasının rəhbəri Seyran Ohanyan və fraksiyanın katibi Artsvik Minasyan deputat toxunulmazlığından məhrum ediliblər. Onlara qarşı cinayət işi başlanılıb. Dünən isə parlamentdə müxalifət bloku “Ermənistan”ın deputatı Artur Sarkisyanın çıxışından sonra gərginlik yaranıb və dava düşüb. Hakim “Vətəndaş sazişi” fraksiyasının deputatları və onların köməkçiləri Sarkisyana hücum etməyə çalışıblar. “Hayastan” blokundan deputat Kristine Vardanyanın sözlərinə görə, zalda vəziyyət nəzarətdən çıxıb, qarşıdurmaya hakim partiyanın köməkçiləri də qoşulub və Sarkisyana fiziki təzyiq göstərməyə cəhd ediblər.

Çıxışında Sarkisyan özünə qarşı irəli sürülən ittihamları “yalan” və “siyasi təqib” adlandırıb. O bildirib ki, Ermənistan hakimiyyəti demokratik prinsipləri pozaraq, günahsızlıq prezumpsiyasını belə tapdalayır və onu terrorizmdə ittiham edir: “Demokratik ölkələrdə baş prokuror parlamentə gəlir, amma qərarın verilməsinə təminat olmadığını başa düşür. Biz isə görünməmiş bir ‘demokratiya qalasında’, əslində isə diktatura qalasında yaşayırıq. Burada hər şey əvvəlcədən həll edilib, yazılıb, təsdiqlənib”.

Çıxışından sonra deputat zalı tərk edə bilməyib - zalda başlayan dava və hakim fraksiya üzvlərinin hücumları buna imkan verməyib.

P.İSMAYILOV

Paylaş:

Baxılıb: 424 dəfə