Azərbaycan Respublikasının Prezidenti İlham Əliyev dünən Avropa Komissiyasının Azərbaycandakı nümayəndəsi Alan Vaddamsı diplomatik fəaliyyətinin başa çatması münasibətilə qəbul edib. Görüşdə Azərbaycan ilə Avropa Komissiyası arasında əməkdaşlığın uğurla inkişaf etdiyi vurğulanıb, Praqa sammitinin münasibətlərin möhkəmlənməsinə müsbət təsiri qeyd olunub və əlaqələrimizin gələcəkdə də tərəqqi edəcəyinə  əminlik bildirilib. Dövlətimizin başçısı Alan Vaddamsın Azərbaycan ilə Avropa Komissiyası arasında əməkdaşlığın genişləndirilməsi işinə öz töhfəsini verdiyini vurğulayaraq,  gələcək fəaliyyətində ona uğurlar arzulayıb.