Azərbaycan Respublikasının Prezidenti İlham Əliyev dünən İsrail dövlətinin ölkəmizdə yeni təyin olunmuş fövqəladə və səlahiyyətli səfiri Mixael Lavon-Lotemin etimadnaməsini qəbul edib. Səfir fəxri qarovul dəstəsinin önündən keçib. Mixael Lavon-Lotem etimadnaməsini Azərbaycan Prezidenti İlham Əliyevə təqdim edib. Dövlətimizin başçısı səfirlə xatirə şəkli çəkdirib. Sonra Prezident İlham Əliyev səfirlə söhbət edib. Görüşdə Azərbaycan və İsrail arasında ikitərəfli münasibətlərin səviyyəsindən razılıq ifadə edilib, ölkələrimizin iqtisadi, ticari, səhiyyə, turizm, kənd təsərrüfatı və digər sahələrdə əlaqələrinin inkişafı ilə bağlı məsələlər ətrafında fikir mübadiləsi aparılıb, həmin sahələrdə əməkdaşlığın yaxşı perspektivlərinin olduğu vurğulanıb.