Prezident İlham Əliyevin Sərəncamı ilə 2009-cu ilin “Uşaq ili” elan edilməsi Azərbaycanda uşaqların problemlərinə diqqətin artırılmasına, onların potensialının yüksəldilməsinə və fəallığının gücləndirilməsinə təkan verib.
Bakı Şəhər Mədəniyyət və Turizm İdarəsindən bildiriblər ki, “Birliyə Doğru” Əlil və Kimsəsiz Uşaqlara Qayğı İctimai Birliyi də “Uşaq ili” çərçivəsində bir sıra layihələr həyata keçirmək fikrindədir. Qurumun dəstəyi ilə görmə qabiliyyəti məhdud uşaqlar üçün CD disklərdə Azərbaycan xalq nağıllarının hazırlanması nəzərdə tutulub. İlkin mərhələdə 5 nağılın buraxılacağı disklər “Creativ Holding” studiyasında pulsuz yazılacaq.