Yunanıstanın Krit adası sahillərində miqrantları daşıyan gəminin batması nəticəsində üç nəfər itkin düşüb.
“Associated Press” xəbər verir ki, yerli hakimiyyət orqanları qəza yerində axtarış-xilasetmə əməliyyatına başlanıldığını bildirib.
Krit adasının cənub-qərbində ticarət gəmiləri tərəfindən ümumilikdə 42 miqrant xilas edilib. Yunanıstan Sahil Mühafizəsi hadisə barədə hökumətin İtaliya tərəfindən məlumatlandırıldığını açıqlayıb.
Yunanıstan 2015-ci ildən Avropaya miqrant axınının əsas marşrutlarından biridir. Son doqquz il ərzində Egey dənizində yüzlərlə mühacir həlak olub.