Cari ilin birinci yarımili ərzində Ədliyyə Nazirliyinin Məhkəmə Eskpertizası Mərkəzi tərəfindən 11 min 894 rəy və arayış verilib.

Bu barədə AZƏRTAC-ın sorğusuna cavab olaraq Ədliyyə Nazirliyinin mətbuat xidmətindən məlumat verilib.

Məlumata görə, bu ilin I yarımili üzrə aparılmış təhlil göstərir ki, audio və videoyazıların məhkəmə ekspertizası, məhkəmə-trasoloji, məhkəmə partlayış-texniki, məhkəmə-portret, kompüter-texniki və materialların məhkəmə ekspertizasına dair işlərin sayı artıb.

Həmçinin qeyd edilib ki, 2026-cı ilin birinci yarımili ərzində yerli qurumların icraatına 276 min 692 icra sənədi daxil olub.