“Cənab Prezidentin dəstəyi ilə gənclərimiz bu gün bütün sahələrdə böyük uğurlara imza atırlar. Biz gənclərimizlə fəxr edirik. Gənclərimizin müxtəlif sahələrdə qazandıqları yeni uğurların, qələbələrin şahidi oluruq”. Bu sözləri Gənclərin Milli-Mənəvi Dəyərlər Ruhunda Tərbiyəsi konfransında çıxışı zamanı gənclər və idman naziri Fərid Qayıbov deyib. Nazir çıxışında beynəlxalq arenada ölkəmizi uğurla təmsil edən gənclərin nailiyyətlərinə də toxunub: “Bu günlərdə beynəlxalq arenada ölkəmizi uğurla təmsil etmiş bir qrup gənclə görüşdüm. Bu, onların potensialının və Azərbaycan gəncliyinin uğurlarının göstəricisidir.

Müzakirə etdiyimiz mövzu olduqca vacibdir. Cənab Prezident gənclərlə keçirdiyi görüşlərdə milli-mənəvi dəyərlərimizin qorunmasının əhəmiyyətini dəfələrlə vurğulayıb. Bu istiqamətdə müvafiq tapşırıqlar verilib, milli-mənəvi dəyərlərin qorunması məsələsi dövlət proqramlarında və gənclər strategiyasında öz əksini tapıb”. Fərid Qayıbov vurğulayıb ki, əsas məsələlərdən biri milli-mənəvi dəyərlərin gənclər arasında təşviq edilməsi və onların gələcək nəsillərə ötürülməsinin təmin olunmasıdır. Bu baxımdan konfransların, forumların və digər maarifləndirici tədbirlərin keçirilməsi mühüm əhəmiyyət daşıyır.