Gürcüstanda zəlzələ baş verib

Gürcüstanda zəlzələ baş verib

Aprelin 6-da səhər saatlarında Gürcüstanın Tetriskaro bölgəsində zəlzələ baş verib.

AZƏRTAC xəbər verir ki, bu barədə Gürcüstan Milli Seysmoloji Xidmət Mərkəzi məlumat yayıb. Bildirilir ki, yeraltı təkanlar paytaxt Tbilisidən 12 kilometr aralıda 3,6 bal gücündə olub. Zəlzələ Tbilisidə də hiss olunub.

Yerli sakinlərin məlumatına görə, bölgədə saat 9-10 radələrində daha 2 dəfə təbiət hadisəsi qeydə alınıb.

Dağıntı və tələfat barədə məlumat verilməyib.