Vitali Rəhimov Arman Adikyana heç bir şans verməyərək ona güləş dərsi keçib
Dünən Rusiyanın paytaxtı Moskva şəhərində güləş üzrə Dünya çempionatına start verilib. İlk olaraq yunan-Roma güləşçiləri mübarizəyə qoşulub. Bu növdə təmsilçimiz Vitali Rəhimov (66 kq) ölkəmizi uğurla təmsil edir. Güləşçimiz ilk mərhələlərdə hindistanlı Kumar Sunilə qalib gəlib. Sonrakı mərhələdə isə idmançımızın rəqibi erməni Arman Adikyan olub. Vitali Rəhimov erməni rəqibinə heç bir aman verməyərək onun kürəyini yerə vurub. Erməni rəqibinin nəfəsini kəsən pəhləvanımız parlaq qələbə ilə 1/4 finala vəsiqə qazanıb. Bu mərhələdə təmsilçimiz rusiyalı Ambako Vaçadze ilə qarşılaşacaq.