Azərbaycanı dağ xizəyi üzrə yarışlarda təmsil edən İlya Kostov Böyük Britaniyanın açıq çempionatında birinci yeri tutub. Qış İdman Növləri Federasiyasının Mətbuat Xidmətindən verilən məlumata görə, Fransanın Tiqnes Xizək Kurortunda baş tutan yarışda 17 yaşlı idmançı U-18 kategoriyasında dağdan eniş növündə qızıl medal qazanıb. Yarışda Fransa, Macarıstan, İtaliya, ABŞ, Avstraliya və Kanadadan ümumilikdə 30 xizəkçi qatılıb.

Qeyd edək ki, İlya Kostov Azərbaycanı dağ xizəyi üzrə yarışlarda 2021-ci ildən təmsil edir.