Azərbaycanın beynəlxalq dərəcəli hakimləri Avropa Voleybol Konfederasiyası (CEV) tərəfindən növbəti dəfə təyinat alıblar.

Azərbaycan Voleybol Federasiyasından AZƏRTAC-a verilən məlumata görə, Eldar Zülfüqarov qadın voleybolçular arasında Çempionlar Liqasının B qrupunda yer alan Türkiyənin “Eczacıbaşı” və Fransanın “Levallua” klublarının qarşılaşmasında ikinci hakim kimi meydana çıxacaq.

Fuad Hacıyev isə yanvarın 23-də qadın voleybolçular arasında CEV kubokunun pley-off mərhələsində “Türk Hava Yolları” və Belçikanın “Asteriks” komandaları arasında keçiriləcək görüşün ikinci hakimi olacaq.