“Gazeta.ru” saytı yazır ki, Rusiya ilə Avropa İttifaqı (Aİ) arasında ixrac məsələlərinə dair yaranan problemlər bu ölkənin Ümumdünya Ticarət Təşkilatından (ÜTT) çıxması məsələsini aktuallaşdırıb. Mənbənin məlumatına görə, əgər Aİ-nin irəli sürdüyü iddia nəticəsində Rusiyanın 1,39 milyard avro ödəməsi barədə qərar təmin edilərsə, ölkənin ÜTT-dən ayrılması gerçəkləşə bilər.
Rusiya Federasiya Şurasının İqtisadi Komitə sədrinin birinci müavini Sergey Kalaşnikov isə bildirib ki, Aİ tərəfindən Rusiyaya sanksiyaların tətbiqi ÜTT-nin prinsipləri ilə uyğun gəlmir. Şuranın beynəlxalq əlaqələr üzrə sədr müavini Vladimir Cabbarov isə deyib ki, Rusiya ÜTT-də problemlər və sanksiyalardan başqa heç nə ilə üzləşmədiyinə görə bu qurumu tərk edə bilər.