Ölkəmizə böyük hörmət və dəstəyinin təzahürü

Bakı:

17°C

88%

7m/s

Əlaqə

AZ RU EN

Ana səhifə / YAP xəbərləri / Ölkəmizə böyük hörmət və dəstəyinin təzahürü

Ölkəmizə böyük hörmət və dəstəyinin təzahürü

14.11.2024 [12:20]

Əlişah Rəcəbov,

YAP Ağdaş rayon təşkilatının sədri

Noyabrın 6-da Qırğızıstanın paytaxtı Bişkekdə Türk Dövlətləri Təşkilatı (TDT) Dövlət Başçılarının 11-ci Zirvə görüşündə çıxış edən Prezident İlham Əliyev qonaqpərvərliyə və tədbirin yüksək səviyyədə təşkilinə görə Qırğız Respublikasının Prezidenti Sadır Nurqojoyeviç Japarova təşəkkürünü bildirdi.

Ölkə başçısı diqqətə çatdırdı ki, bu il Türk Dövlətləri Təşkilatının əsasını qoymuş Naxçıvan Sazişinin 15-ci ildönümüdür. Belə ki, 3 oktyabr 2009-cu ildə Naxçıvan şəhərində imzalanan Saziş əsasında Azərbaycan, Türkiyə, Qazaxıstan və Qırğızıstanın iştirakı ilə Türk Dövlətlərinin Əməkdaşlıq Şurası yaradılmışdır. Daha sonra Özbəkistan da təşkilata qoşulmuşdur. Həmçinin təşkilatın 3 müşahidəçi üzvü də vardır. 12 noyabr 2021-ci il tarixdə İstanbulda keçirilən Türk Şurası dövlət başçılarının VIII Zirvə görüşündə təşkilatın adı dəyişdirilərək Türk Dövlətləri Təşkilatı adlandırılmışdır. Yaradıldığı gündən etibarən Türk Dövlətləri Təşkilatı uğurlu inkişaf yolu keçib. Ölkəmiz Türk Dövlətləri Təşkilatının inkişafı üçün mühüm işlər görən ölkələrdən biridir. Prezident İlham Əliyev çıxışında qeyd etdi ki, iyul ayında Şuşa şəhərində keçirilmiş Dövlət başçılarının qeyri-rəsmi Zirvə görüşündə imzalanmış Qarabağ Bəyannaməsi əməkdaşlığın daha da dərinləşməsinə töhfə verir. Ölkəmiz Türk Dövlətləri Təşkilatının möhkəmlənməsi istiqamətində səylərini bundan sonra da davam etdirəcək. Ölkə başçısı Türk Dövlətləri Təşkilatının mövcud büdcəsinin qarşıya qoyulan hədəflərin həyata keçirilməsi üçün yetərli olmadığını, eyni zamanda, Azərbaycanın Türk Dövlətləri Təşkilatının Katibliyinə 2 milyon və Ağsaqqallar Şurasına 100 min ABŞ dolları məbləğində maliyyə dəstəyi göstərdiyini diqqətə çatdırdı. Heç şübhəsiz ki, ölkəmizin maliyyə dəstəyi təşkilatın potensialının daha da güclənməsinə töhfə verəcək.

Türk Dövlətləri Təşkilatı (TDT) Dövlət Başçılarının 11-ci Zirvə görüşündə çıxışı zamanı Prezident İlham Əliyev onu da vurğuladı ki, hazırda dünyada artan təhlükələri nəzərə alaraq müdafiə, təhlükəsizlik və müdafiə sənayesi sahələrində əməkdaşlığımız böyük əhəmiyyət daşıyır. Son dövrlər ölkələrimizin hüquq-mühafizə və təhlükəsizlik orqanları arasında əməkdaşlıq daha da genişlənib. Ölkələrimizin silahlı qüvvələrinin iştirakı ilə hərbi təlimlər keçirilir. Hərbi təhsil müəssisələrimizdə qardaş ölkələrin müdavimlərinin təhsil alması qarşılıqlı etimadın və dostluğun göstəricisidir.

Prezident İlham Əliyev 11-ci Zirvə görüşündə son dövrlər Şərq-Qərb nəqliyyat dəhlizi ilə Azərbaycan ərazisi üzrə daşımaların daha da artdığını bildirdi. Belə ki, 2023-cü ilin müvafiq dövrü ilə müqayisədə 2024-cü ilin yanvar-sentyabr aylarında üzv və müşahidəçi dövlətlər ilə tranzit daşımalarının həcmində 15 faizə yaxın artım müşahidə edilir. Ölkə başçısı qeyd tdi ki, Mərkəzi Asiya ölkələri ilə Türkiyəni Azərbaycan üzərindən bağlayan bu dəhlizin ötürmə qabiliyyətinin yüksəldilməsi üçün ölkəmiz öz sərmayələrini artırır.

Türk Dövlətləri Təşkilatı (TDT) Dövlət Başçılarının 11-ci Zirvə görüşündə çıxışı zamanı Prezident İlham Əliyev onu da diqqətə çatdırdı ki, Azərbaycan yaxın günlərdə COP29 iqlim konfransına ev sahibliyi edəcəkdir. Keçən ilin dekabrında 200-ə yaxın ölkə Azərbaycanın namizədliyini yekdilliklə dəstəkləmişdir. Bu, beynəlxalq aləmin ölkəmizə böyük hörmətinin və dəstəyinin təzahürüdür.

Paylaş:

Baxılıb: 359 dəfə