Amin Quliyev: Ölkəmizdə şəhid ailələrinin, müharibə əlillərinin sosial vəziyyətinin yaxşılaşdırılması daim diqqət mərkəzində saxlanılır

Bakı:

24 °C

63 %

1 m/s

AZ RU EN

Ana səhifə / Sosial / Amin Quliyev: Ölkəmizdə şəhid ailələrinin, müharibə əlillərinin sosial vəziyyətinin yaxşılaşdırılması daim diqqət mərkəzində saxlanılır

Amin Quliyev: Ölkəmizdə şəhid ailələrinin, müharibə əlillərinin sosial vəziyyətinin yaxşılaşdırılması daim diqqət mərkəzində saxlanılır

08.08.2020 [00:20]

“Bu gün Azərbaycan Respublikası beynəlxalq müstəvidə özünün milli maraqlarını qətiyyətlə qoruyan, heç kimdən asılı olmayan, tam müstəqil siyasət aparan güclü dövlət kimi tanınır. Azərbaycanın qısa müstəqillik tarixində güclü və nüfuzlu dövlətə çevrilməsi Ulu Öndər Heydər Əliyev tərəfindən əsası qoyulan və Prezident İlham Əliyev tərəfindən davam etdirilən məqsədyönlü siyasət sayəsində mümkün olub”. Bunu “Sağlam Gənclərlə Sağlam Sabah İnkişaf” İctimai Birliyinin sədri Amin Quliyev deyib.

O, diqqəti son illərdə dünyanın ən güclü ordularından birinə çevrilən Azərbaycan Silahlı Qüvvələrinin bir qədər bundan əvvəl dövlət sərhədinin Tovuz rayonu istiqamətində düşmənin növbəti təxribatının qarşısını qətiyyətlə alması faktına yönəldib. “Məlum olduğu kimi, iyulun 12-də Ermənistan silahlı qüvvələrinin bölmələri növbəti dəfə təxribata əl ataraq Azərbaycan-Ermənistan dövlət sərhədinin Tovuz rayonu istiqamətində mövqelərimizi ələ keçirməyə, artilleriya atəşindən istifadə edərək hücuma keçməyə cəhd göstərdilər. Lakin hər zaman olduğu kimi, bu dəfə də Azərbaycanın Silahlı Qüvvələri düşmənin təxribatının qarşısını qətiyyətlə aldı. Şəhidlər versək də, dövlət sərhədimiz etibarlı şəkildə qorundu və düşmən ağır itkilər verərək geri çəkilmək məcburiyyətində qaldı”, - deyə A.Quliyev bildirib.

O əlavə edib ki, müharibə şəraitində yaşayan ölkəmizdə şəhid ailələrinin, müharibə əlillərinin sosial vəziyyətinin yaxşılaşdırılması daim diqqət mərkəzində saxlanılır. A.Quliyevin sözlərinə görə, son illərdə bu istiqamətdə çox böyük işlər görülüb. “İndiyədək 8 mindən çox şəhid ailəsi, müharibə əlili mənzillərlə təmin edilib və müvafiq kateqoriyadan olan şəxslərə 7 minə yaxın avtomobil verilib. Eyni zamanda, Azərbaycanda pandemiya şəraitində də şəhid ailələrinə, müharibə əlillərinə mənzillərin, minik avtomobillərinin verilməsi ənənəsi davam etdirilir. Belə ki, bu ilin sonunadək 1500 şəhid ailəsinin, müharibə əlilinin dövlət tərəfindən mənzillərlə təmin edilməsi nəzərdə tutulub. Onu da xatırladım ki, Prezident İlham Əliyev və birinci xanım Mehriban Əliyeva bir qədər bundan əvvəl Bakının Xətai rayonunda şəhid ailələrinə, müharibə əlillərinə mənzillərin və avtomobillərin təqdim olunması mərasimində iştirak ediblər. Bütün bunlar Azərbaycan dövlətinin, Prezident İlham Əliyevin şəhid ailələrinə, müharibə əlillərinə qayğısının növbəti təzahürüdür”, - deyə o bildirib.

Paylaş:

Baxılıb: 932 dəfə