Heydər Əliyev
yeni azerbaycan logo

Ana səhifə / Xəbər lenti / 28 May - Müstəqillik Günü, 18 Oktyabr - Müstəqilliyin Bərpası Günü oldu

28 May - Müstəqillik Günü, 18 Oktyabr - Müstəqilliyin Bərpası Günü oldu

15.10.2021 [12:02]

“Müstəqillik Günü haqqında” qanun layihəsi üçüncü oxunuşda qəbul edilib.

Qanun layihəsi parlamentin bu gün keçirilən iclasında üçüncü oxunuşda müzakirəyə çıxarılmışdı.

Layihəyə əsasən, Azərbaycanda 28 Mayın "Müstəqillik Günü", 18 Oktyabrın "Müstəqilliyin Bərpası Günü" adlandırılması təklif edilir.

İndiyə qədər Azərbaycanda 28 May Respublika Günü kimi qeyd edilir və qeyri-iş günüdür. Yeni qanun layihəsinə əsasən, 28 May - Respublika Gününün adı dəyişdirilib və bundan sonra Müstəqillik Günü kimi qeyd ediləcək. 18 Oktyabr isə Dövlət Müstəqilliyi Günü kimi qeyd olunur və bu gün rəsmi iş günü hesab edilir. Dəyişiklikdən sonra 18 Oktyabr "Müstəqilliyin Bərpası Günü" adlandırılacaq.

Qeyd edək ki, 2021-ci il oktyabrın 18-də Azarbaycan Respublikasının müstəqilliyinin bərpa edilməsinin 30 ili tamam olur. Azərbaycan xalqı 1991-ci ildən sonra ilk dəfə bu bayramı tam fərqli olaraq, öz ərazi bütövlüyünü bərpa etmiş qalib xalq kimi qeyd edir. Bu baxımdan, dövlətçilik tariximizdə müstəsna əhəmiyyətli mərhələlərin, xüsusən müstəqilliyin əldə edilməsi va bərpası kimi tarixi günlərin onların mahiyyəti və məzmununa uyğun daha dəqiq ifadə olunması böyuk önəm kəsb edir.

Müzakirələrdən sonra qanun layihəsi səsə qoyularaq qəbul edilib.

Paylaş
Baxılıb: 105 dəfə

Xəbər lenti

Hamısına bax
ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31