Heydər Əliyev
yeni azerbaycan logo

Ana səhifə / Bu dəfə radikal müxalifətin önündə başına kəfən salmış qisasçı qoca gedəcək

Bu dəfə radikal müxalifətin önündə başına kəfən salmış qisasçı qoca gedəcək

04.05.2019 [10:10]

Pərviz Sadayoğlu

Yaxud Əli İnsanovun qisasçılıq siyasətini xaricdəki anti-azərbaycançı qüvvələr sifariş edirlər
Bu bir həqiqətdir ki, həyata keçirilən məqsədyönlü siyasət nəticəsində bütün sahələrdə inkişafın əldə edildiyi Azərbaycan eyni zamanda dünyada demokratik ənənələrə hörmət göstərən, vətəndaş cəmiyyətinin inkişafını təmin edən, tolerantlıq nümunəsi sayılan ölkə olaraq tanınır. Əldə edilən bütün uğurların təməlində isə xalq-iqtidar birliyi durur. O da xüsusi olaraq qeyd edilməlidir ki, yerləşdiyi regionda siyasi-iqtisadi aktora çevrilmiş Azərbaycanda xalqın sosial problemlərinin həlli, rifah halının yaxşılaşdırılması istiqamətində davamlı addımlar atılır, islahatlar həyata keçirilir. Öz ambisiyalarının qurbanına çevrilmiş, şəxsi məqsədləri üçün “çarpışan” radikal ünsürlər isə pafoslu yalanlarla ictimai rəyi çaşdırmağa, manipulyasiya etməyə çalışırlar. Və görünən odur ki, ölkə Prezidentinin əfvi sayəsində azadlığa çıxmış Əli İnsanov da radikal ünsürlərin cərgəsinə qoşulmaq üçün can-dildən “qollarını çırmamağa” niyyətlənib.
Belə ki, həbsdən çıxan gündən antimilli mərkəzlərin diqqətini cəlb etmək üçün “Qərb-Qərb” deyib dad döyən Ə.İnsanov bir neçə gün öncə KİV-ə verdiyi müsahibədə öz “məqsədlərini” bir daha açıqlayıb. Özünü “gözünü qan örtmüş siyasətçi” qiyafəsində qələmə verməyə çalışan bu şəxs birmənalı olaraq qisasçı mövqedən çıxış etdiyini bütün parametrlər üzrə ortaya qoyub. Daha dəqiq desək guya radikal kəsimin adda-budda 3-5 nəfərlik qohum-əqrəba partiyalarını özünə tərəf çəkmək, ən əsası isə, xarici anti-azərbaycançı dairələrin diqqətini və maliyyəsini əldə etmək üçün pafosa güc verən Ə.İnsanov bir daha öz kimliyini cəmiyyətə nümayiş etdirib. Vurğulamaq yerinə düşər ki, “başına kəfən salmış qisasçı qoca” libasında özünü gözə soxmaq istəyən Ə.İnsanovun bütünlüklə qisasa kökləndiyi onun bütün fikirlərində bariz şəkildə öz əksini tapır. Bu adam anlamır ki, onun tutduğu mövqe, yəni “hər kəsdən və hamıdan qisas almaq” missiyası fəlakətə apara bilər. Bu adam açıq şəkildə öz mənafeyinə və qisasçılıq hissinə qapılaraq insanları yeni vətəndaş qarşıdurmasına sürükləməyə çalışır. Özünü radikal müxalifətin sıralamasında ön cərgəyə pərçimləməyə çalışan bu qoca öz anlamında “bu dəfə radikal müxalifətin önündə başına kəfən salmış qisasçı gedəcək” parafrazını ictimai rəyə sırımağa niyyətlənib.
Beləliklə, yaşına görə “müdrikləşmə mərhələsində” olmalı olan Ə.İnsanov, göründüyü kimi, tamam əks mövqedən çıxış edir. Bu cür mövqe isə insanları yeni bir fəlakətə doğru sürükləmək deməkdir. Necə deyərlər, müdrik qocalar sülh və barış, qisascı qocalarsa qarşıdurma və fəlakət gətirirlər. İndiki halda Əli İnsanovun qisasçı arzuları da məhz qarşıdurma və fəlakətlərə yol açmaq üçün deyilən fikirlərdir. Ən əsası isə, bu bir aksiomdur ki, qisasçı siyasət fəlakət gətirər.
Bəli, göründüyü kimi maddi gəlir əldə etmək üçün xarici anti-azərbaycançı dairələrin, ermənipərəst mərkəzlərin direktivlərini özünün “fəaliyyət planı”na çevirməyə, həmin dairələrin sifarişi ilə qisasçılıq siyasəti yürütməyə çalışan bu qisasçı qoca da digər satqın ünsürlərin yolu ilə gedir. Belə ki, qisasçılığa hədəflənən “siyasi xətt”i özünə “yol” deyə seçməyə niyyətlənmiş başına kəfən keçirmiş qisasçı qoca siyasi mübarizənin sivil qaydalarından deyil, təxribat xarakterli yollardan istifadə etməyə çalışır. Məhz təxtibata, stabilliyi pozmağa yönəlik fikirləri qarşılığında da o, açıq şəkildə yalvardığı antimilli xarici mərkəzlərin istinad mənbəyinə çevrilmək və ermənilərlə birlikdə xalqdan qisas almaq missiyasına yiyələnmək niyyətindədir.
Amma onun bu niyyəti də, necə deyərlər, “daşa dəyəcək”. Çünki ölkəmizdə onun kimi xalqa yalan deyən, pafosa güc verib xarici ermənipərəstlərin dili ilə danışanların aqibəti göz önündədir. Bu gün özünü “siyasi qüvvə” kimi qələmə verməyə çalışan həmin xəyanətkar qrupun xalq tərəfindən dəstəklənmədiyi hər kəsə bəllidir. Bu baxımdan da, qisasçı missioner qoca qiyafəsində “zühur” etməyə çalışan Ə.İnsanovun da eyni fiaskonu yaşayacağını indidən proqnozlaşdırmaq elə də çətin deyil.

Paylaş:
Baxılıb: 593 dəfə

Müəllifin digər məqalələri:

Əzrayılın bala paylaması...

Yaxud, Makronun “bazar...

24.09.2021 [15:29]

Ermənipərəst Sevinc Osmanqızı süni gündəm axtarışında...

Məlum olduğu kimi, bu gün...

02.06.2021 [08:56]

Qənimət Zahidin ictimai rəyi yanıltmaq və xalqı aldatmaq cəhdləri iflasa məhkumdur

İşğaldan azad olunmuş torpaqlarımızın...

28.05.2021 [10:07]

Əli Kərimlinin tükənməz erməni sevgisi

44 günlük Vətən müharibəsi...

25.05.2021 [08:49]

Cıdır düzündə Azərbaycan ruhu...

Şuşada keçirilən...

20.05.2021 [09:28]

Sevinc Osmanqızının antimilli təbliğatı

Yaxud xəyanətkar...

19.05.2021 [08:31]

Xəbər lenti

Hamısına bax

Analitik

Siyasət

Xəbər lenti

Xəbər lenti

Sosial

Bayram sonrası....

28 Mart 11:23

Analitik

Siyasət

Siyasət

Siyasət

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31