Tədris proqramlarının hazırlanmasında...

Bakı:

22 °C

73 %

4 m/s

Əlaqə

AZ RU EN

Ana səhifə / MEDİA / Tədris proqramlarının hazırlanmasında...

Tədris proqramlarının hazırlanmasında...

22.07.2023 [11:00]

Qarabağ Zəfəri, 44 günlük Vətən müharibəsi xüsusi yer tutmalıdır

Yeganə BAYRAMOVA

Dövlətin və cəmiyyətin inkişafını şərtləndirən ən mühüm amillərdən biri təhsildir. Bu mənada təhsil sektorunun inkişafı, bu sahədə yeni innovasiyalara müraciət, beynəlxalq təcrübənin mübadiləsi hər zaman aktuallığını qoruyub. Təhsildə inkişafın təmin edilməsi üçün əsas şərtlərdən biri isə həm də təhsil proqramlarının yeni çağırışlar və müasir reallıqlar əsasında hazırlanmasıdır. Müstəqil Azərbaycanda hərtərəfli inkişafa nail olunması üçün mühüm işlər görülür, addımlar atılır. Onlardan ən vacibi isə təbii olaraq təhsil sistemində edilən yeniliklər, bu sahədə aparılan islahatlardır. Təhsilin keyfiyyətinin yaxşılaşdırılması dövlət siyasətinin əsas prioritetlərindən biridir və adıçəkilən sahənin inkişafını təmin edəcək çoxsaylı proqramların qəbulu sözügedən sektorun inkişafına əhəmiyyətli dərəcədə təsir göstərir.

Ermənistanın ölkəmizə qarşı 30 ilə yaxın davam etdirdiyi işğal siyasəti bütün sahələrə olduğu kimi, təhsilə də təsirsiz ötüşməyib. Tədris proqramlarının tərtib edilməsi, təhsil müəssislərində keçirilən elmi-kütləvi tədbirlərin hazırlanması prosesində təbii olaraq qəmgin notlar daha çox diqqəti cəlb edirdi. 44 günlük müharibədə qazanılan uğur təbii olaraq bunu da aradan qaldırdı. Bu gün tədris proqramlarında Vətən müharibəsi, qazandığımız Böyük Zəfər, Azərbaycan xalqının qələbəsi daha geniş məlumatlarla əks olunur, təbliğ edilir, cəmiyyətə təqdim olunur. Bu da təbiidir - cəbhədə döyüşlər bitsə də, informasiya müharibəsində mübarizə hələ davam edir. Bunun üçün cəmiyyətimiz reallıqlarla tanış olmalı, öz qəhrəmanlarını tanımalı, orta məktəb şagirdlərimiz Azərbaycan həqiqətləri ilə bağlı geniş şəkildə məlumatlandırılmalıdırlar. Bu mənada. elmi-kütləvi, mədəni-maarif, tədris proqramlarının inkişaf etdirilməsi, hətta yenilənməsi aktuallıq daşıyır.

Mənzərə ürəkaçandır...

Təhsil üzrə ekspert Elçin Əfəndi “Yeni Azərbaycan”a açıqlamasında hazırda bu istiqamətdə bir sıra mühüm işlərin görüldüyünü bildirib: “Bu gün ölkəmizdə bu istiqamətdə mühüm addımlar atılır. Sirr deyil ki, Vətən müharibəsi, qazandığımız zəfər barədə daim tədbirlər keçirilir. İstər bədii yaradıcılıq, istər vizual xarakterli, istərsə də elmi-kütləvi tədbirlərin keçirilməsi böyük əhəmiyyət daşıyır. Xüsusən, orta məktəblərdə şagirdlərə vətənpərvərlik ruhunun aşılanması, daha da gücləndirilməsi olduqca vacibdir. Hər kəs bacardığı qədər bu işdə fəallıq nümayiş etdirməli, öz töhfəsini verməlidir. Ümumi mənzərə, əlbəttə, ürəkaçandır. Hər kəs bu işdə əlindən gələnləri əsirgəmir - bütün gücünü bu kimi mühüm təbliğat işinə səfərbər edir və etməlidir də. Sevindirici haldır ki, təhsil müəssisələri, dövlət struktrrları ilə yanaşı sadə insanlar, hətta valideynlər belə bu məsələdə öz köməklərini təklif edirlər. Proses yüksək səviyyədə inkişaf edir. Təbii ki, bu işdə əsas məsələ ümumi sistemləşdirilmə, proqramlaşdırmadır ki, bu məsələnin həlli ilə bağlı da bir sıra vacib addımlar nəzərə çarpır”.

Bu proqramların təsir imkanları...

E.Əfəndi xatırladıb ki, internet resurslarının hələ tam şəkildə mənimsənilmədiyi zamanlarda şagirdlər arasında milli vətənpərvərliyin daha da gücləndirilməsi üçün bir sıra tədbirlər həyata keçirilirdi. Bu sırada kitabxanalarda, klublarda, mədəniyyət və yaradıcılıq evlərində, hətta məktəblərdə belə olduqca maraqlı kütləvi tədbirlər, tamaşalar, filmlərin nümayişi keçirilirdi. Bu tədbirlərin təkzibedilməz təsir imkanları vardı. “İndiki halda texniki anlamda daha böyük imkankara sahibik. Eyni zamanda, internet resurslarından geniş istifadə etmək mümkündür. KİV-də elmi-kütləvi, mədəni-maarif, təhsil proqramlarına geniş yer ayrılması vacib şərtdir. Bunun müsbət nəticələri təkzib edilə bilməz. 30 ilə yaxın bir müddətdə işğal altında saxlanılan torpaqlarımızın azad olunması, Prezident İlham Əliyevin apardığı uğurlu daxili, xarici siyasətin nəticələri, Azərbaycan Ordusunun rəşadəti, mübarizə ruhu və bir çox məsələlər proqramlaşdırılaraq orta məktəblərdə, eləcə də ali təhsil ocaqlarında tədris olunmalıdır. Buna çox ciddi şəkildə xüsusi önəm verilməlidir. Bu baxımdan proqramların hazırlanmasında mütəxəsis yanaşması, eləcə də rəyi mütləq nəzərə alınmalıdır. Bu kimi vacib amillər qələbədən sonrakı postmüharibə dövründə həmrəyliyimizin və birliyimizin daha da güclənməsinə öz ciddi töhfəsini vermiş olar”.

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Elmi-kütləvi, mədəni-maarif, təhsil proqramlarının hazırlanması” istiqaməti üzrə hazırlanmışdır” istiqaməti üzrə hazırlanmışdır

Paylaş:

Baxılıb: 714 dəfə